2 Pierre 1:1 - Mbeti ti Nzapa - Tënë so amu fini

¹ Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

2 Pierre 1:1 Referans Kwoze

Tite 2:13

si e zia be ti e ti ku nzoni lango so fade e yeke baa kota Nzapa ti e na Wasongo e, Jésus Christ, na ya ti gonda ti lo.

Tite 1:4

Mbi tokua mbeti so na mo Tite so mo yeke taa molenge ti mbi na lege ti oko mabe so e yeke na ni. Ayeke nzoni Nzapa Babâ na Wasongo e, Jésus Christ asara nzoni be na mo si amu na mo siriri!

2 Korente 4:13

Mbeti ti Nzapa atene: “Mbi yeke tene tënë, ngbanga ti so mbi ma na be.” Tënë ti be ti e ayeke oko na ti zo so atene tënë so, nilaa e nga, e ma na be si e yeke tene tënë so.

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Rome 1:12

Mbi ye ti tene mbirimbiri mbi tene, mbi ye ti si na ala si mbi na ala kue, e wara ngangu: ala wara ngangu ndali ti mabe ti mbi si mbi nga, mbi wara ngangu ndali ti mabe ti ala.

2 Pierre 1:4

Na lege ti aye ni, Nzapa amu na e anzoni ye ti kota ngere so lo mu ando zendo ni na e. Tongaso, ala yeke kpe lege ti sioni nzara ti sarango aye ti dunia so, asioni ye so ayeke buba azo ti dunia so si dutingo ti ala akpa ti Nzapa.

1 Pierre 1:1

Mbi Pierre, *watokua ti Jésus Christ, mbi tokua mbeti so na azo so Nzapa asoro ala, ala so akpe kodro ti ala, ague, aduti na ya ti akodro nde nde na sese ti Pon, ti Galasii, ti Kapadose, ti Azii na ti Bitinii.

Efeze 4:11

Lo laa lo mu amatabisi na azo; lo mu lege na ambeni ti ga *awatokua, wala awayanga-Nzapa, wala azo ti fango Nzoni Tënë, wala azo ti batango azo ti *Eglize wala awafango-ye.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Nzoni Tënë so Luc asu na mbeti 1:47

Be ti mbi asi singo na ngia ndali ti Nzapa, Wasongo mbi,

1 Pierre 5:1

Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.

2 Timothée 1:5

Mbi dabe ti mbi na taa mabe so mo yeke na ni. Gi mabe so Lois, ata ti mo ti wali, lo na Enis, mama ti mo ayeke na ni kozoni laa. Mbi hinga so gi mabe ni so laa mo yeke na ni.

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

Awatokua 15:14

Simon afa na e fafadeso lege so Nzapa aleke na be ti lo kozoni ti soro ambeni zo na popo ti amara nde ti ga azo ti lo.

Matthieu 10:2

Iri ti *awatokua baleoko na use so ayeke tongaso: kozo zo ni ayeke Simon, so mbeni iri ti lo ayeke Pierre, lo na ita ti lo André; Jacques na ita ti lo Jean, so ala yeke amolenge ti Zebede;

1 Pierre 2:7

Ti ala, a-ita so ama na be, têne ni ane na le ti ala; me ti azo so ake ti ma na be, “têne so azo ti sarango da ake ni, ni laa akiri aga ngangu têne ti gere ti da ni.”

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

Tite 1:1

Mbi Paul, mbi yeke zo ti kua ti Nzapa si mbi yeke nga *watokua ti Jésus Christ. Nzapa atokua mbi ti sara si azo so lo soro ala ama na be si ala hinga taa-tënë so alingbi gi na lege ti vorongo Nzapa,

Filipe 1:29

Nzapa asara nzoni be na ala gi titene ala ma na be na Christ pepe, me ti baa nga pasi ndali ti lo.

Efeze 4:5

Kota Gbia ayeke gi oko, mabe ayeke gi oko, bateme ayeke gi oko.

Efeze 3:5

Na ya ti angoi so ahon, Nzapa afa tënë ni na azo pepe; me fadeso, na lege ti Yingo ti lo, lo fa tënë ni na *awatokua ti lo nga na awayanga-Nzapa so lo zia ala nde ndali ti lo.

Galasii 2:8

Biani, Nzapa so amu ngangu na Pierre ti ga *watokua ndali ti azuife, gi lo oko laa lo mu nga na mbi ngangu ti ga watokua ndali ti azo ti amara nde.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

1 Korente 15:9

Biani, mbi yeke kete ahon awatokua kue; mbi lingbi nga titene a iri mbi watokua pepe, ngbanga ti so mbi sara ngangu na azo ti *Eglize ti Nzapa.

1 Korente 9:1

Mbi yeke ngbaa? Mbi yeke *watokua pepe? Mbi baa Jésus *Kota Gbia ti e lani pepe? Kua so mbi sara na Kota Gbia so, ala laa ayeke ye ti peko ni pepe?

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

Rome 1:17

Biani, Nzoni Tënë ni afa na le ti azo lege so Nzapa asara titene azo aga mbirimbiri na le ti lo: gi na lege ti mabe, na tongo ndani ngbii asi na ndani, tongana ti so Mbeti ti Nzapa atene: “Zo so aga mbirimbiri na lege ti mabe, fade lo yeke duti na fini.”

Jean 20:21

Jésus akiri tënë na ala: “Siriri aduti na ala! Tongana ti so Babâ atokua mbi, mbi nga, mbi tokua ala.”

Jean 1:42

Na pekoni, lo mu Simon, lo gue na lo na Jésus. Jésus abaa Simon si lo tene na lo: “Mo yeke Simon, molenge ti Jean; fade azo ayeke iri mo Sefas.” – Nda ti iri so atene “Pierre”. –

Nzoni Tënë so Luc asu na mbeti 11:49

Ndani laa, Nzapa atene na lege ti ndara ti lo, lo tene: ‘Fade mbi yeke tokua na ala awayanga-Nzapa na *awatokua. Ala yeke fâ ambeni na popo ti ala si ala yeke sara ngangu na ambeni.’

Matthieu 4:18

So Jésus ayeke tambula na yanga ti kota ngu ti Galile, lo baa a-ita use so ayeke azo ti gingo susu: Simon so mbeni iri ti lo ayeke Pierre, lo na ita ti lo André; ala yeke bi gbanda ti ala na ya ti kota ngu ni ti gi na asusu.

Jérémie 33:16

Na lango ni so, fade a yeke soo kodro-gbia ti Juda si mbeni ye ti sioni ti si na Jérusalem ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’ ”

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Filipe 1:1

Mbi Paul, mbi na Timothée, so e yeke azo ti kua ti Jésus Christ laa e tokua mbeti so na azo ti Nzapa so aga oko na Jésus Christ si ala yeke na gbata ti Filipe. E tokua nga mbeti so na azo so ayeke na li ti *Eglize, ala na *adiakre.

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.