2 Korente 4:2 - Mbeti ti Nzapa - Tënë so amu fini

² E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

2 Korente 4:2 Referans Kwoze

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

2 Korente 11:3

Me ala dabe ti ala na ye so: ngbo ahanda ando Eve na lege ti mayere ti lo si Eve agirisa lege. Mbeto asara mbi titene be ti ala ague kirikiri si ala zia peko ti Christ so ala mu lani tere ti ala kue na lo na vurungo be so.

Efeze 5:12

Biani, kamene ayeke gbu zo ti tene tënë ti aye so azo ni ayeke sara na hondengo ni so.

2 Korente 7:14

Lani, mbi gonda tere ti mbi ndali ti ala na le ti lo, me kamene ni asara mbi pepe. Tongana ti so lakue e yeke tene na ala taa-tënë, gondango tere ti e ndali ti ala na le ti Tite aga nga taa-tënë awe.

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Efeze 4:14

Fade e yeke kiri ti duti tongana akete molenge pepe so *mapo ti atënë nde nde ayingi ala, so pupu ti azo ti mvene nga na fango ye ti ala na lege ti mayere ahon na ala kirikiri tongana ngo na le ti ngu.

2 Korente 11:6

Mbi hinga ti tene tënë nzoni pepe, so mbi hinga; me tongana ayeke tënë ti hingango ndo, so ayeke mbeni tënë nde: e fa ni na ala polele na ya ti aye kue.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

2 Korente 6:8

Ambeni zo ayeke ne e si ambeni ayeke zia kamene na le ti e; ambeni zo ayeke tene nzoni tënë na iri ti e si ambeni ayeke tene sioni tënë na iri ti e. Azo abaa e tongana azo ti mvene, andaa e yeke tene taa-tënë,

1 Agbia 18:34

Na pekoni, lo mu yanga na azo so ayeke na ndo so, lo tene: “Ala to ngu na ya ti ta osio asi, ala tuku na ndö ti kasa ti sandaga ni nga na ndö ti akeke ti wâ ni.” Azo ni asara ye gi na peko ti yanga ti lo. Lo kiri lo tene: “Ala sara ti fani use ni!” Ala sara ni. Lo kiri lo tene: “Ala sara ti fani ota ni!” Ala sara nga ni.