1 Timothée 4:15 - Mbeti ti Nzapa - Tënë so amu fini

¹⁵ Ye so mo lingbi ti zia be ti mo kue daa ti sara ni laa. Mu tere ti mo kue na kua ni si azo kue abaa so, kua ti mo ayeke gue na nduzu.

1 Timothée 4:15 Referans Kwoze

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Abia (Psaumes) 143:5

Mbi dabe ti mbi na alango ti giriri, mbi gbu li ti mbi na ndö ti aye so kue mo sara, be ti mbi ati na ndö ti aye so maboko ti mo asara.

Abia (Psaumes) 104:34

Ayeke nzoni bia ti mbi anzere na lo; mbi ye ti duti na ngia ndali ti KOTA GBIA!

Awatokua 6:4

Ti e, fade e yeke mu tere ti e kue ti sambela, ti sara kua ti fango tënë ti Nzapa.”

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Abia (Psaumes) 119:97

Mbi ye ndia ti mo mingi! Mbi yeke gbu li ti mbi daa lakue.

Josué 1:8

Ayeke nzoni atënë ti ya ti mbeti ti Ndia so angba lakue na yanga ti mo; mo gbu li ti mo daa bi na lâ, mo gi nga lege ti sara aye so kue alingbi na tënë so a su na ya ti mbeti ni. Tongaso si aye so kue mo leke na be ti mo ti sarango ni, mo yeke sara ni na legeni si aga nzoni.

1 Timothée 4:6

Tongana mo fa atënë so kue na a-ita, azo ti Christ, fade mo yeke ga nzoni zo ti kua ti Jésus Christ. So afa atene, mo yeke kpengba na lege ti atënë ti mabe nga na lege ti nzoni fango ye so mo yeda ti mu peko ni.

Abia (Psaumes) 119:148

Ade ndo ahan kue pepe, mbi zi le ti mbi ti gbu li ti mbi na ndö ti atënë ti yanga ti mo.

Abia (Psaumes) 119:99

Mbi hinga ndo, mbi hon awafango-ye kue na mbi, ngbanga ti so mbi yeke gbu li ti mbi na ndö ti aye so mo hunda na mbi.

Abia (Psaumes) 119:48

Mbi yo maboko ti mbi na nduzu na mbage ti atënë ti ndia ti mo so mbi ye mingi; mbi yeke gbu li ti mbi na ndö ti ambela ti mo.

Abia (Psaumes) 119:15

Mbi yeke gbu li ti mbi na ndö ti andia ti mo si le ti mbi ayeke ngba na ndö ti lege so mo ye mbi mu ni.

2 Korente 8:5

Ye so ala sara ayeke kota ahon ye so e zia be ti e fade ti ku titene ala sara ni: ala mu tere ti ala wani kozoni na *Kota Gbia si na pekoni, ala mu tere ti ala na e tongana ti so Nzapa aye.

Abia (Psaumes) 105:5

Ala, *ahale ti Abraham, zo ti kua ti KOTA GBIA, ala, ahale ti Jacob, ala so KOTA GBIA asoro ala, ala dabe ti ala na aye ti kpene so lo sara; ala dabe ti ala na aye ti dongo be so lo sara, na atënë ti fango ngbanga so asigigi na yanga ti lo.

Abia (Psaumes) 49:3

Ala, asenge zo na akota zo, ala azo ti mosoro na awayere, ala ma tënë so legeoko.

Abia (Psaumes) 19:14

Mo zia nga mbi, zo ti kua ti mo, yongoro na tere ti azo ti baba; mo sara si mbi mu peko ti ala na sarango ye ti ala pepe. Tongaso, fade mbi yeke ga zo so alingbi kue si a bi tënë ti kota sioni ye na li ti mbi pepe.

1 Korente 16:15

A-ita, ala hinga atene, Stefanas na azo ti sewa ti lo ayeke akozo zo ti Akayi so ama na be si ala mu tere ti ala kue ti sara nzoni na azo ti Nzapa. Mbi hunda na ala mingi, a-ita,

Abia (Psaumes) 119:23

Ataa amakonzi aduti ti leke tënë na tere ti mbi, mbi zo ti kua ti mo, mbi yeke gbu li ti mbi na ndö ti ambela ti mo.

Abia (Psaumes) 77:12

*KOTA GBIA, mbi dabe ti mbi na akota ye so mo asara. Biani, mbi dabe ti mbi na aye ti kpene so mo sara giriri.

Abia (Psaumes) 63:6

Fade tere ti mbi anzere tongana ti zo so ate anzoni kobe ti mafuta si ya ti lo asi; ngia na yanga, mbi yeke he bia ti gonda na mo.

Abia (Psaumes) 1:2

Me tënë ti *Ndia ti *KOTA GBIA laa anzere na lo, lo yeke gbu li ti lo na ndö ni bi na lâ.

2 Korente 4:14

Biani, e hinga so, Nzapa so azingo Kota Gbia Jésus na kuâ, fade lo yeke zingo nga e na Jésus si lo yeke zia e na ala titene e duti na tere ti lo.

1 Timothée 4:14

Matabisi so Nzapa amu na mo, mo sara mbana na ni pepe. Mo wara matabisi ni lani na peko ti tënë ti yanga ti Nzapa na ngoi so bongbi ti *akangba azia maboko ti ala na ndö ti mo.

1 Timothée 4:16

Mo baa lege ti dutingo ti mo wani nzoni, mo baa nga lege ti fango ye ti mo nzoni; mo ngba daa lakue. Biani, tongana mo sara tongaso, fade mo yeke soo tere ti mo wani na kuâ si mo yeke soo nga azo so kue ayeke ma mo.

Wungo ti azo 8:26

Ala lingbi ti mu maboko na a-ita ti ala na ngoi so a-ita ti ala ni ayeke sara kua na ya ti da ti bongo so KOTA GBIA na azo ti lo ayeke wara tere daa; me a yeke hunda na ala ti sara kua mbeni pepe. So ayeke lege so mo yeke mu kua na azo ti mara ti Lévi laa.”