1 Timothée 2:9 - Mbeti ti Nzapa - Tënë so amu fini

⁹ Mbi ye nga si awali ayu bongo so ayeke na legeni: bongo so afa nengo tere ti ala, bongo ti sarango na baba pepe; ala leke kua ti li ti ala na kode ahon ndoni pepe, ala yu aye ti lôro wala alenge pepe, ala yu abongo ti kota nginza pepe.

1 Timothée 2:9 Referans Kwoze

Jérémie 4:30

Ti mo Jérusalem, azo abuba mo awe! Mo yeke yu bengba bongo ti ngangu ngere, mo yeke yu aye ti pendere ti lôro si mo yeke kpaka aye ti baba na ndö ti le ti mo ti sara na nyen? Mo yeke sara aye ti pendere so gi senge senge; akoli so ayeke kpe lani na peko ti mo so, ala ke mo awe, ala ye gi kuâ ti mo.

Abia (Psaumes) 149:4

Biani, be ti KOTA GBIA anzere na azo ti lo; lo yeke soo asenge zo ti lo ti mu na ala nengo.

Ésaïe 3:16

*KOTA GBIA atene: “Awali ti *Sion, so fango tere na ala! Ala yeke bi go ti ala si ala yeke tambula, le ti ala ayeke za ti handa na akoli. Ala yeke tambula ze ze si alenge so ala kanga na gere ti ala ayeke toto.”

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

2 Agbia 9:30

Yehu ali na gbata ti Yizreel awe. So Yezabel ama tënë ni, lo kpaka ambeni ye ti pendere na tere ti kua ti le ti lo, lo leke kua ti li ti lo pendere si na pekoni, lo luti na le ti fenetere.

Amato 7:10

Wali ni aga awara lo, lo yu bongo tongana wali-ndumba, be ti lo asi singo na tënë ti handa.

Tongo nda ti aye 24:53

Zo ti kua ni asigigi na apendere ye so a sara ni na lôro, na wen ti nginza, lo sigigi nga na abongo si lo mu na Rébecca. Lo mu nga aye ti ngangu ngere na ita ti Rébecca nga na mama ti lo.

Ésaïe 61:4

Ada so akungbi aninga awe so, fade ala yeke kiri ti leke ni; ada so akungbi ngbene ye aninga so, ala yeke kiri ti mu ni na nduzu. Agbata so abuba si aga ngonda ngu na ngu so, fade ala yeke kiri ti leke ni.

Esther 5:1

Na peko ti lango ota so Esther ake kobe, lo yu bongo ti lo ti gbia-wali si lo gue, lo luti na ya ti gbagba ti yangbo ti gbia ni; lo luti na ndo so ayeke baa ndo na ndo so gbia ayeke duti ka daa. Andaa gbia ni ayeke na ya ti yangbo ni, lo duti na ndö ti mbata ti lo so ayeke baa ndo na yanga ti yangbo ni.

Amato 31:22

Lo sara abalangeti ndali ti lo wani; abongo ti lo ayeke na len ti nzoni ni si a kpo apendere nzoroko daa.

Matthieu 11:8

Nyen laa ala gue ti bango ni kâ? Mbeni zo so ayu pendere bongo? Azo so ayu apendere bongo ayeke duti na ya ti ada ti agbia!

Amato 31:25

Lo yeke na ngangu si azo ane lo. Tongana lo gbu li ti lo na ndö ti ye ti kekereke, be ti lo ayeke na ngia.

1 Timothée 2:10

Me alingbi ala fa so ala yeke pendere na lege ti sarango anzoni ye; ye so awali so akpe mbeto ti Nzapa alingbi ti sara laa.