1 Timothée 2:1 - Mbeti ti Nzapa - Tënë so amu fini

¹ Kozo ye so mbi ye ti mu wango daa ayeke so: ala hunda ye na Nzapa, ala sambela lo, ala voro tere ti ala na lo, ala mu singila na lo ndali ti azo kue.

1 Timothée 2:1 Referans Kwoze

2 Tesalonike 1:3

A-ita, alingbi e ngba ti mu singila lakue na Nzapa ndali ti ala. So ayeke na legeni, ngbanga ti so mabe ti ala ayeke gue lakue na nduzu si yengo so ala ye tere na popo ti ala ayeke mai lakue.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

Efeze 5:20

Ala mu singila lakue na Nzapa Babâ ndali ti aye kue, na iri ti Kota Gbia ti e Jésus Christ.

2 Timothée 2:24

Zo ti kua ti Kota Gbia alingbi ti papa pepe, me alingbi lo duti kpoo na azo kue, lo yeke zo so alingbi ti fa nda ti ye si lo hinga ti kanga be ti lo na kasango ndo ti azo.

1 Timothée 2:4

Lo ye titene azo kue asoo kuâ si ala hinga taa-tënë.

Filipe 1:3

Lakue tongana be ti mbi ati na ndö ti ala, mbi yeke mu singila na Nzapa ti mbi.

Ahebro 6:11

Me e ye mingi titene ala oko oko kue angba na nzara ti sarango nzoni ye tongana ti kozoni; ala ngba daa ngbii asi na ndani, tongaso si fade ala yeke wara aye so ala zia be ti ala ti ku ni.

Tite 3:2

Alingbi ala tene sioni tënë na iri ti zo pepe, ala papa na zo pepe, ala sara nzoni be na azo; lakue, ala sara ye na azo kue gi na wokongo be.

Tite 2:11

Biani, Nzapa afa nzoni be ti lo na azo kue awe titene na lege ti nzoni be ti lo ni, ala soo kuâ.

1 Timothée 5:5

Ti taa wali-mua so lo yeke duti gi lo oko, lo zia be ti lo ti ku Nzapa; lo sambela lakue bi na lâ titene Nzapa amu maboko na lo.

1 Korente 15:3

Kozo ye so mbi fa na ala ayeke tënë so mbi wani, mbi ma: Christ akui ndali ti siokpari ti e tongana ti so Mbeti ti Nzapa atene.

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

1 Tesalonike 3:12

Ayeke nzoni Kota Gbia asara si yengo so ala ye tere na popo ti ala nga na yengo so ala ye na azo kue ague guengo na nduzu, alingbi na yengo so e ye na ala!

Rome 6:17

E mu singila na Nzapa: ando, ala yeke angbaa ti siokpari, me fadeso, ala yeda na be ti ala kue na taa-tënë so a fa na azo kue si ala, azo ti Rome, ala yeda nga na ni.

Rome 1:8

Kozoni, mbi mu singila na Nzapa ti mbi ndali ti ala kue, na lege ti Jésus Christ, ngbanga ti so azo ti dunia kue ayeke tene tënë ti mabe ti ala.

Abia (Psaumes) 72:19

Singila na Nzapa kpu na kpu ndali ti iri ti lo so alingbi na gonda! Ayeke nzoni sese kue asi singo na gonda ti lo! Amen! Amen!

2 Korente 8:6

Ndani laa e mu wango mingi na Tite titene lo hunzi kua ti nzoni be so lo to nda ni na ndo ti ala, azo ti Eglize ti Korente.

Efeze 3:13

Tongaso, mbi hunda na ala: be ti ala awoko pepe ndali ti apasi so mbi yeke baa ndali ti ala; apasi ni ayeke ndali ti nzoni ti ala.

Esdras 6:10

Tongaso si fade awayango-sandaga ni ayeke ya na Nzapa ti yayu asandaga so fion ni anzere na lo, ala yeke sambela ndali ti fini ti gbia na ti amolenge ti lo.

Jérémie 29:7

Ala gi lege ngangu ti sara si gbata so KOTA GBIA ague na ala daa so amai. Ala sambela KOTA GBIA ndali ti gbata ni, ngbanga ti so maingo ti ala wani alondo gi na maingo ti gbata ni.’

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.