1 Samuel 9:10 - Mbeti ti Nzapa - Tënë so amu fini

¹⁰ Saul atene na zo ti kua ti lo: “So nzoni! E gue.” Tongaso ala mu lege ague na gbata so zo ti Nzapa ayeke lango daa.

1 Samuel 9:10 Referans Kwoze

1 Samuel 9:9

Ando na kodro ti Israel, tongana azo aye ti gue ti hunda mbeni ye na Nzapa, ala yeke tene: “Ala ga, e gue, e baa zo ti bango nda ti aye.” Biani, zo so azo ayeke iri lo fadeso wayanga-Nzapa, ando ala yeke iri lo “zo ti bango nda ti aye.”

1 Samuel 9:11

So ala ma hoto ti gue na gbata ni, ala wara amaseka-wali so ague ti to ngu. Ala hunda amaseka-wali ni atene: “Zo ti bango nda ti aye ayeke daa?”

1 Samuel 10:14

Ita ti babâ ti lo ahunda lo nga na zo ti kua ti lo, atene: “Ala gue fade na ndo wa?” Saul akiri tënë: “E gue fade ti gi amama ti lele, me e wara ala pepe; na pekoni, e gue na ndo ti Samuel.”