Biblia Todo Logo
Bib sou entènèt

- Piblisite -




1 Samuel 8:11 - Mbeti ti Nzapa - Tënë so amu fini

11 Lo tene: “Baa, lege so gbia so ayeke le-gbia ande na ndö ti ala ayeke so: fade lo yeke mu na popo ti amolenge ti ala ti koli ambeni titene ala kpe na apusu ti mbarata ti lo, ambeni ayeke kpe na ambarata ti lo, wala ala yeke kpe loro na dawa ti pusu ti mbarata ti lo.

Gade chapit la Kopi




1 Samuel 8:11
14 Referans Kwoze  

Na ngoi so kue Saul ayeke gbia, lo tiri bira ngangu na azo ti Filistii. Lakue tongana lo baa mbeni zo ti ngangu wala mbeni zo so ayeke sara mbeto pepe, lo yeke mu zo ni ti ga turugu ti lo.


Samuel afa na azo ni andia ndali ti gbia. Lo su ni kue na mbeti, lo zia ni na dawa ti KOTA GBIA. Na pekoni Samuel azia lege na azo kue titene zo oko oko akiri na ndo ti lo.


Na pekoni, Absalom aleke pusu ti mbarata na ambarata, lo mu azo baleoku so ayeke kpe na dawa ti lo.


Salomon abongbi apusu ti bira nga na ambarata: apusu ti bira ayeke saki oko na ngbangbo osio, ambarata ayeke saki baleoko na use. Lo bata ambeni pusu ni nga na ambarata ni na tere ti lo na Jérusalem; lo bata nga ambeni na ya ti agbata so a leke ndali ni.


KOTA GBIA asara si Élie asi singo na ngangu. Tongaso lo kanga abongo ti lo si lo londo ti gue. Lo yeke kpe loro na dawa ti pusu ti mbarata ti Akab ngbii lo si na yanga ti gbata ti Yizreel.


Amaseka so lo na ala akono legeoko so atene na lo: “Azo so atene, babâ ti mo azia nengo kungba na ndö ti go ti ala si ala hunda na mo ti zi mbage ni na ndö ti ala so, tënë so mo yeke tene na ala ayeke so: ‘Kete li ti maboko ti mbi so akono ahon ngbonda ti babâ ti mbi.


“Lani babâ ti mo asara e tongana angbaa. Fadeso mo zi mbage ti nengo kungba ni na ndö ti go ti e, tongaso fade e yeke sara kua na gbe ti mo.” –


Gi na ndembe ni so, Adonia, so mama ti lo ayeke Hagite, ayeke pika kate ti lo si lo yeke tene: “Mbi laa mbi yeke ga ande gbia!” Lo mu mbeni pusu ti mbarata, ambarata nga na ambeni koli baleoku titene ala kpe loro na dawa ti lo.


Tongaso, ma tënë ti ala. Me mo gboto mê ti ala nzoni; mo fa na ala lege so gbia ni ayeke le-gbia ande na ndö ti ala.”


Gbia Roboam asara avala na bengba wen, lo mu ni na amakonzi ti aturugu so ayeke bata yanga ti yangbo ti gbia.


Saul atene na azo ti kua ni: “Ala, azo ti Benjamin, ala ma mbi nzoni! Fade molenge ti Yese ayeke mu na ala kue ayaka na ayaka ti *vinye tongana ti so mbi mu na ala so? Lo yeke mu ande ala titene ala ga amakonzi na ndö ti aturugu saki oko wala na ndö ti aturugu ngbangbo oko?


Swiv nou:

Piblisite


Piblisite