1 Samuel 6:6 - Mbeti ti Nzapa - Tënë so amu fini

⁶ Ngbanga ti nyen laa ala ye ti kpengba be ti ala tongana ti Faraon na azo ti Ezipte ando so? Ala dabe ti ala na ye so Nzapa asara na ala ngbii si ala zia lege na azo ti Israel ti gue so!

1 Samuel 6:6 Referans Kwoze

Sigingo 14:17

Ti mbi, mbi yeke sara titene be ti azo ti Ezipte akpengba si ala li na peko ti ala na ya ti kota ngu-ingo ni. Fade mbi yeke fa gonda ti mbi na ndö ti Faraon nga na ndö ti aturugu ti lo kue, apusu ti mbarata ti lo nga na azo ti kpengo na mbarata ti lo.

Sigingo 8:15

Azo ti mazi ni atene na Faraon: “So maboko ti Nzapa laa ayeke sara kua so!” Me be ti Faraon angba ti kpengba. Lo ma Moïse na Aaron pepe, alingbi na tënë so KOTA GBIA atene.

Sigingo 7:13

Ataa so kue, be ti Faraon angba ti kpengba alingbi na tënë so KOTA GBIA atene. Lo ma Moïse na Aaron pepe.

Sigingo 9:34

So Faraon abaa so ngu-Nzapa, pembe ti bekpa na bekpa ni akai awe, lo kiri lo sara gi oko sioni: lo na azo ti gbe ti lo, ala ngba ti sara ngangu li.

Ahebro 3:13

Me so ngoi so Mbeti ti Nzapa airi ni “laso” angba, ala mu wango na popo ti ala lakue si siokpari ahanda mbeni zo pepe, tongaso si lo ga zo ti ngangu li pepe.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Abia (Psaumes) 95:8

“Ala kpengba be ti ala pepe tongana ti so akotara ti ala asara ando na Meriba, tongana ti so akotara ti ala asara na lango so ala yeke na benyama ti Masa.

Mbeti ti Job 9:4

Ndara ti Nzapa ayeke kota mingi, ngangu ti lo ayeke mingi; zo wa laa alingbi ti gbu le ni na lo si lo wara sioni pepe, zo wa?

Sigingo 14:23

Azo ti Ezipte atumba peko ti ala; ambarata ti Faraon kue, na apusu ti mbarata ti lo nga na azo ti kpengo na mbarata ti lo, ala li na ya ti kota ngu-ingo ni na peko ti azo ti Israel, ngbii asi na be ti ngu-ingo ni.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Sigingo 4:21

KOTA GBIA atene na Moïse: “Na kiringo ti mo na Ezipte, mbi mu na mo ngangu ti sara aye ti dongo be. Fade mo yeke sara ni na dawa ti Faraon. Me ti mbi, mbi yeke sara titene be ti lo akpengba si lo yeke ke ti zia lege na azo ti Israel ti gue.

Sigingo 7:14

KOTA GBIA atene na Moïse: “Gbia Faraon angba ti sara ngangu li; lo ke ti zia lege na azo ti Israel ti gue.