1 Samuel 6:3 - Mbeti ti Nzapa - Tënë so amu fini

³ Ala kiri tënë, atene: “Tongana ala ye ti kiri na sanduku ti mbuki ti Nzapa ti Israel, ayeke nzoni ala kiri na ni senge pepe. Me ala mu mbeni ye na Nzapa ti Israel ndali ti sioni ti ala, azo ti Filistii. Tongaso fade kobela ti ala akai si ala hinga ndani so maboko ti Nzapa ti Israel angba ti sara ngangu na ala.”

1 Samuel 6:3 Referans Kwoze

1 Samuel 6:9

Fade ala yeke baa: tongana sanduku ti mbuki ni amu lege ti gue na sese ti Israel na mbage ti gbata ti Bet-Shemesh, andaa KOTA GBIA wani laa asara titene asioni ye so kue asi na e. Tongana sanduku ni amu mbeni lege nde, fade e hinga, e tene, Nzapa laa asara asioni ye so na e pepe. Me ye ti gigi laa asi na e so.”

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.

Sigingo 23:15

Kozo matanga ni ayeke matanga ti Mapa so a sara na mama ni pepe. Na nze ti Abib, na ya ti lango mbarambara, mapa so a sara na mama ni pepe, ala yeke te ni alingbi na yanga so mbi mu na ala. Biani, na nze ti Abib laa ala sigigi na Ezipte. Fade zo ayeke ga na ya ti da ti mbi maboko senge pepe.

Sigingo 34:20

Me tongana ayeke kozo molenge ti lele, fade ala yeke sanze lo na kete taba wala na kete ngasa. Tongana ala sanze lele ni pepe, fade ala pete go ti lo, ala fâ lo. Me ti akozo molenge-koli ti ala azo, fade ala yeke kiri ti vo ala vongo. “Fade zo ayeke ga na ya ti da ti mbi maboko senge pepe.

Mbeti ti Job 10:2

Fade mbi yeke tene na Nzapa: Fâ ngbanga na li ti mbi pepe. Tënë so mo bi na li ti mbi so, fa na mbi ni si mbi hinga.

1 Samuel 5:11

Azo ti Ekron nga airi agbia kue ti azo ti Filistii ti bongbi si ala tene na ala: “Ala mu sanduku ti mbuki ti Nzapa ti Israel akiri na ni na ndo so lani ayeke daa. Tongaso si afâ e na azo ti gbata ti e kue pepe.” Biani, mbeto ti kuâ asara ala, ngbanga ti so maboko ti KOTA GBIA asara ngangu na ala mingi.

1 Samuel 5:9

Me gi so ala si na ni na Gat awe, maboko ti KOTA GBIA asara ngangu na azo ti gbata ni. Kota mbeto asara ala. KOTA GBIA azia kobela ti sukungo ye na tere ti ala: amolenge na akangba.

1 Samuel 5:7

So azo ti Asdod abaa ye so asi na ala so, ala tene: “Alingbi sanduku ti mbuki ti Nzapa ti Israel angba na ndo ti e pepe. Biani, maboko ti Nzapa ayeke sara ngangu na e mingi, e na Dagon, nzapa ti e.”

Awayango-sandaga 6:6

Fade wâ ayeke ngba ti za lakue na ndö ti gbalaka ni, ayeke mingo pepe.”

Awayango-sandaga 5:6

Na pekoni, zo ni ayeke ga na mama ti taba wala mama ti ngasa ti mu na *sandaga na KOTA GBIA ndali ti siokpari ti lo ni. Tongaso wayango-sandaga ayeke ya nyama ni na sandaga titene Nzapa azi siokpari na li ti zo ni.”

1 Samuel 6:8

Ala mu sanduku ti mbuki ti KOTA GBIA, ala zia na ndö ti pusu ni. Ala mu aye ti lôro so ala leke ti mu na KOTA GBIA ndali ti sioni ti ala so, ala zia na ya ti mbeni kete sanduku na tere ti sanduku ti mbuki ni. Na pekoni, ala zia pusu ni ague.

Sigingo 8:15

Azo ti mazi ni atene na Faraon: “So maboko ti Nzapa laa ayeke sara kua so!” Me be ti Faraon angba ti kpengba. Lo ma Moïse na Aaron pepe, alingbi na tënë so KOTA GBIA atene.