1 Samuel 6:12 - Mbeti ti Nzapa - Tënë so amu fini

¹² Amama ti bagara ni amu gi taa lege ti guengo na Bet-Shemesh; ala tambula mbage na mbage pepe. Na guengo ni ala yeke toto. Agbia ti azo ti Filistii amu peko ti ala ngbii asi na katikati ti Bet-Shemesh.

1 Samuel 6:12 Referans Kwoze

Wungo ti azo 20:19

Azo ti Israel akiri atene na lo: “E yeke mu gi kota lege. Tongana e na anyama ti e, e nyon ngu ti mo, fade e yeke futa ni futango. Ye so e hunda na mo ayeke titene mo zia e, e hon na ya ti kodro ti mo.”

1 Samuel 6:9

Fade ala yeke baa: tongana sanduku ti mbuki ni amu lege ti gue na sese ti Israel na mbage ti gbata ti Bet-Shemesh, andaa KOTA GBIA wani laa asara titene asioni ye so kue asi na e. Tongana sanduku ni amu mbeni lege nde, fade e hinga, e tene, Nzapa laa asara asioni ye so na e pepe. Me ye ti gigi laa asi na e so.”

1 Samuel 6:11

Ala zia sanduku ti mbuki ti KOTA GBIA na ndö ti pusu ni, ala zia nga na ndö ni kete sanduku so a zia na ya ni aye so ala leke na lôro si akpa adeku nga na limo ti aka ti sanzo so.

1 Samuel 6:13

Andaa azo ti Bet-Shemesh ayeke fâ ale ti *ble na yaka so ayeke na popo-hoto. Tongana ala yo le ti ala na nduzu, ala baa sanduku ti mbuki ni si be ti ala asi singo na ngia.

Sigingo 8:15

Azo ti mazi ni atene na Faraon: “So maboko ti Nzapa laa ayeke sara kua so!” Me be ti Faraon angba ti kpengba. Lo ma Moïse na Aaron pepe, alingbi na tënë so KOTA GBIA atene.

Josué 15:10

Na Baala, katikati ni angoro ague na mbage ti Do, na mbage ti hoto ti Seir, amu tere ti hoto ti agbako, so ti tene Kesalon; azu na mbage ti Bet-Shemesh si ahon na Timna.

1 Agbia 4:9

molenge ti Deker ayeke govoronere ti asese tongana: Makas, Shaalbim, Bet-Shemesh na Elon-Bet-Hanan;