1 Samuel 5:3 - Mbeti ti Nzapa - Tënë so amu fini

³ Na ndade ni, azo ti Asdod alondo na kota ndaperere, ala ye ti baa, Dagon laa ati na sese na dawa ti sanduku ti mbuki ti *KOTA GBIA so. Ala mu Dagon na nduzu, ala kiri na lo na plase ti lo.

1 Samuel 5:3 Referans Kwoze

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 46:7

Ala yeke zia nzapa ni na ndö ti go ti ala, ala yo lo, ague na lo si azia lo na ndo ti lo. Nzapa ni ayeke ngba gi na ndo ni so, lo yeke gue na mbeni ndo pepe. Ataa zo adekongo na lo, lo yeke kiri tënë pepe. Lo lingbi ti soo zo ni pepe na ya ti ye ti ngangu.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Marc 3:11

Azo so ayeke na asioni yingo, tongana ala baa lo, ala ti na gbe ti lo, ala dekongo, atene: “Mo yeke Molenge ti Nzapa!”

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Ésaïe 41:7

Wakode-kua ayeke mu ngangu na zo so ayeke kporo lôro na wâ ti sara na alimo; zo so ayeke sara si tere ti wen aza zango ayeke mu ngangu na zo ti pikango ndao. Lo yeke tene tënë ti kua ti lo, lo tene: ‘Kua ni ayeke nzoni!’ Na pekoni, lo yeke pika limo ni na pondi titene ayingi pepe.”

Ésaïe 40:20

Zo so yere ahon ndö ti lo si lo lingbi ti mu mara ti matabisi tongaso pepe, lo yeke soro keke so alingbi ti fun pepe. Na pekoni, lo yeke gi nzoni wakode-kua so alingbi ti sara yanda so alingbi ti yingi pepe.

Abia (Psaumes) 97:7

Azo so kue ayeke voro ayanda, ayeke nzoni kamene agbu le ti ala! Azo so ayeke pika kate ti ala ndali ti abuba yanda ni, ayeke nzoni kamene agbu le ti ala! Ala anzapa kue, ala kuku na gbe ti KOTA GBIA!

Sigingo 12:12

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA.

1 Samuel 6:5

Fade ala sara alimo ti aka ti sanzo nga na limo ti adeku so ayeke buba kodro ti ala. Na pekoni, ala gonda Nzapa ti Israel. E hinga pepe, fade lo yeke zia ti sara ngangu na ala, na anzapa ti ala nga na kodro ti ala.

1 Samuel 6:1

Sanduku ti *mbuki ti *KOTA GBIA asara nze mbarambara na sese ti azo ti Filistii.

1 Agbia 18:26

Awayanga ti nzapa Baal amu bagara so a mu na ala si ala leke lo ti mu na *sandaga. Na pekoni, ala sambela Baal, ti londo na ndaperere ngbii asi na bekombite, ala tene: “Baal, mo kiri tënë na e!” Me ala ma mbeni go oko pepe, zo oko akiri tënë na ala pepe. Ala yeke dodo na tere ti gbalaka so ala leke so.

Abia (Psaumes) 115:7

Ala yeke na maboko, me ala yeke ndu ye pepe, ala yeke na gere, me ala yeke tambula pepe; mbeni tënë oko ayeke sigigi na yanga ti ala pepe.