1 Samuel 30:10 - Mbeti ti Nzapa - Tënë so amu fini

¹⁰ Azo ngbangbo use awoko kue, ala lingbi ti fâ kete ngu ti Besor pepe si ala ngba na ndo so. David na azo ngbangbo osio laa angba ti tumba peko ti azo ni.

1 Samuel 30:10 Referans Kwoze

1 Samuel 30:21

David asi nduru na tere ti azo ngbangbo use so lani awoko kue si ala lingbi ti mu peko ti lo pepe si ala ngba na tere ti kete ngu ti Besor so. Azo ni alondo ti ga ti wara David na azo ti lo na lege. David ague nduru na tere ti ala si lo bara ala.

1 Samuel 30:9

David na azo ti lo ngbangbo omene alondo ti gue. Ala si na kete ngu ti Besor si ambeni zo ni angba na ndo so.

1 Samuel 14:31

Na lango ni so, azo ti Israel afâ azo ti Filistii, ti londo na Mikmas ngbii asi na Ayalon. Aturugu ti Israel awoko kue.

1 Samuel 14:20

Saul na aturugu ti lo abongbi tere si ala gue na ndo so bira ni ayeke daa. Ala baa so wusuwusu ahon ndoni si azo ti Filistii ayeke fâ tere na popo ti ala kirikiri.

1 Samuel 30:11

Azo ti David awara mbeni maseka-koli ti Ezipte na ya ti ngonda. Ala mu lo, aga na lo na David. Ala mu na lo kobe lo te, ala mu na lo ngu, lo nyon.

Ésaïe 40:30

Ataa amaseka, ngangu ayeke hunzi na ala si ala yeke woko; ataa angangu maseka ayeke ti.