1 Samuel 27:9 - Mbeti ti Nzapa - Tënë so amu fini

⁹ David anika azo ti gbata ni; lo zia mbeni koli wala mbeni wali angba na fini pepe. Lo mu ataba na angasa, abagara, alele, *azambala na abongo, lo gue na ni. Na kiringo ti lo, lo si na ndo ti Akish.

1 Samuel 27:9 Referans Kwoze

1 Samuel 15:3

Fadeso, gue, mo tiri bira na azo ti Amalek, mo buba aye ti ala kue, mo zia mbeni oko angba pepe. Mo fâ akoli na awali, amolenge na akete amolenge so angba ti nyon mê, abagara, ataba, *azambala nga na alele.’ ”

1 Samuel 15:7

Saul afâ azo ti Amalek, ti londo na Havila ngbii asi na Shur so abaa le na Ezipte.

Josué 6:21

Ala buba aye so kue ayeke na ya ti gbata ni; akoli na awali, amaseka na ambakoro, abagara, ataba na alele, ala fâ ala kue.

Sigingo 15:22

Moïse amu yanga na azo ti Israel si ala londo na tere ti kota ngu-ingo ti Asosongo ti hon. Ala mu lege so ague na benyama ti Shur. Ala tambula lango ota na benyama, ala wara ngu pepe.

Tongo nda ti aye 25:18

Ahale ti Ismael asara kodro na sese so ayeke na popo ti Havila na Shur. Shur ayeke nduru na Ezipte na lege so ague na Ashur. Ala gue, aduti ti ala nde na tere ti tanga ti ahale ti Abraham.

Tongo nda ti aye 16:7

*Ange ti KOTA GBIA awara Agar na tere ti mbeni li ti ngu na benyama, so ayeke na lege ti guengo na Shur.

1 Samuel 15:8

Saul afâ azo kue na yongoro zeme. Me lo gbu Agag, gbia ti azo ti Amalek, lo fâ lo pepe.

Mbeti ti Job 1:3

Lo yeke na ataba saki mbarambara, *azambala saki ota, abagara ti fango na yaka saki oko, amama ti lele ngbangbo oku nga na gba ti azo ti kua. Lo yeke kota zo ahon azo ti mbage ti To kue.