1 Samuel 25:10 - Mbeti ti Nzapa - Tënë so amu fini

¹⁰ Nabal akiri tënë na azo ti kua ti David, atene: “David ni ayeke zo wa? Molenge ti Yese ni ayeke zo wa? Fadeso angbaa mingi ayeke kpe na ndo ti awa ti ala.

1 Samuel 25:10 Referans Kwoze

Awafango-ngbanga 9:28

Gaal, molenge ti Ebed ahunda ala, atene: “Abimelek ni ayeke ti lo zo wa? Nyen laa abongbi lo na azo ti Sishem titene e duti angbaa na gbe ti lo? Yerubaal ayeke babâ ti lo si Zebul ayeke zo ti tokua ti lo pepe? Ti ala, ala ngba na gbe ti Hamor, lo so lo sara si Sishem abaa ando gigi so. Me ti e, e hinga ndani so e lingbi ti sara ngbaa na gbe ti Abimelek pepe.

Ésaïe 32:7

Ti zo ti handango ndo, kua ti lo ayeke ti sarango sioni mingi na zo: lo yeke leke aye na mayere ti sara sioni na wayere na tenengo mvene na li ti wayere ni. Andaa wayere ni ahunda gi ye so ayeke ti lo.

Ésaïe 32:5

A yeke kiri ti di iri ti zo ti buba pepe, atene “ne-ne zo”. A yeke kiri ti tene na zo ti handango ndo pepe, atene “zo ti nzoni be.”

Zo ti bongbingo azo 7:10

Mo tene pepe, mo tene: “Nyen laa asara si aye atambula ando nzoni ahon ti fadeso?” Hundango mara ti ndo tongaso ayeke na lege ti ndara pepe.

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

1 Samuel 22:2

Azo so aye ti ngangu asi na ala, azo so yongo ti azo ayeke na li ti ala nga na azo so tere ti ala anzere pepe abongbi na tere ti David si lo ga makonzi ti ala. Wungo ti ala kue ayeke nduru na ngbangbo osio.

1 Samuel 20:30

Saul asara ngonzo na tere ti Jonatan si lo tene na lo: “Mo, so mama ti mo ayeke wali-mbo so! Mbi hinga kue, mo yeke sara beoko na molenge ti Yese. Buba ti mo na ti mama ti mo kue.

Sigingo 5:2

Faraon atene: “KOTA GBIA ni ayeke zo wa si mbi ma yanga ti lo ti zia lege na azo ti Israel ti gue so? Mbi hinga KOTA GBIA ni pepe; mbi yeke zia nga azo ti Israel ti gue pepe!”

1 Samuel 25:9

So azo ti kua ti David asi na tere ti Nabal awe, ala tene na lo peko ti atënë ni kue na iri ti David si ala ngba ti ku.

Amato 15:1

Kiringo tënë na nzoni be asara si ngonzo ade; me tënë ti songo be asara si ngonzo alondo.