1 Samuel 24:20 - Mbeti ti Nzapa - Tënë so amu fini

²⁰ Lakue, tongana mbeni zo awara wato ti lo, fade lo yeke zia wato ti lo ni ahon senge? Oko pepe! Ayeke nzoni KOTA GBIA akiri na mo peko ti nzoni so mo sara na mbi laso so.

1 Samuel 24:20 Referans Kwoze

1 Samuel 23:17

Lo tene na David: “Sara mbeto pepe. Fade maboko ti babâ ti mbi Saul ayeke ndu mo pepe. Mo laa mo yeke ga ande gbia ti Israel; mbi si mbi yeke ga na peko ti mo. Babâ ti mbi Saul ahinga ni kue.”

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Matthieu 2:13

Na peko ti so azo ti gingo nda ti atongoro ni amu lege ague awe, mbeni *ange ti *Kota Gbia asi na Joseph na ya ti bango-li. Lo tene na Joseph: “Londo, mu molenge ni, lo na mama ti lo, ala kpe ague na Ezipte, aduti kâ! Tongana mbi mu yanga na mo ti kiri si mo kiri, ngbanga ti so Herode ayeke gi lege ti fâ molenge ni.”

Mbeti ti Job 15:25

Biani lo yoro maboko na le ti Nzapa; lo gi yanga ti Nzapa, lo so ngangu ti lo ahon angangu kue.

1 Samuel 13:14

Me fadeso, lengo-gbia ti mo ayeke ninga pepe. KOTA GBIA asoro mbeni zo so be ti lo wani aye; lo zia lo ti duti makonzi na ndö ti azo ti lo, ngbanga ti so yanga so lo mu na mo, mo sara ye alingbi na ni pepe.”

Ruth 2:12

Mbi sambela titene anzoni ye so mo sara so, KOTA GBIA akiri peko ni na mo. Ayeke nzoni KOTA GBIA, Nzapa ti Israel, so mo ga ti duti na gbe ti lo akiri peko ni kue na mo.”

1 Samuel 26:25

Saul atene na David: “Ayeke nzoni Nzapa asara tufa na ndö ti mo, molenge ti mbi. Taa-tënë, mo yeke sara ande akota ye si mo yeke so benda.” David ahon ti lo si Saul akiri na ndo ti lo.

Abia (Psaumes) 7:5

Mbi sara kua ti mbana na *mbuki ti mbi? Mbi mu ye ti wato ti mbi senge senge?

Amato 25:21

Tongana nzara asara wato ti mo, mo mu na lo kobe lo te; tongana nzara ti ngu asara lo, mo mu na lo ngu, lo nyon.