1 Samuel 22:14 - Mbeti ti Nzapa - Tënë so amu fini

¹⁴ Ahimelek akiri tënë na gbia, atene: “Na popo ti azo ti kua ti mo kue, mbeni mbirimbiri zo tongana David ayeke daa? Lo yeke kogara ti gbia, lo ga makonzi ti aturugu ti batango mo, azo ti da ti mo ayeke ne lo mingi.

1 Samuel 22:14 Referans Kwoze

1 Samuel 20:32

Jonatan akiri tënë na babâ ti lo Saul, atene: “A yeke fâ lo ngbanga ti nyen? Nyen laa lo sara?”

1 Samuel 26:23

Fade KOTA GBIA ayeke sara na zo oko oko alingbi na mbirimbiri ye nga na nzoni ye so lo sara. Laso, KOTA GBIA azia mo na maboko ti mbi si mbi ke ti sara sioni na zo so KOTA GBIA atuku mafuta na li ti lo titene lo ga gbia so.

1 Samuel 24:11

Laso, mo baa na le ti mo wani awe; laso KOTA GBIA azia mo na maboko ti mbi na ya ti du ti têne so. Azo atene na mbi ti fâ mo, me mbi ke si mbi tene: ‘Maboko ti mbi alingbi ti ndu kota zo ti mbi pepe, ngbanga ti so KOTA GBIA atuku mafuta na li ti lo awe.’

1 Samuel 22:13

Saul atene na lo: “Mo na molenge ti Yese aleke tënë na tere ti mbi na hondengo ni ngbanga ti nyen? Mo mu na lo kobe, mo mu nga na lo yongoro zeme si mo hunda Nzapa ndali ti lo titene lo leke kuku si mbi ti daa. Ye ni laa e yeke baa laso so.”

1 Samuel 21:2

David asi na kodro ti Nob, na ndo ti wayango-sandaga Ahimelek. Tere ti lo ayeke do dongo si lo ga ti wara David na lege. Lo hunda David: “Mo ga gi mo oko ngbanga ti nyen? Mbeni zo ayeke na tere ti mo pepe ngbanga ti nyen?”

1 Samuel 18:27

David na azo ti lo alondo ti gue ti tiri bira na azo ti Filistii si lo fâ ala ngbangbo use. David aga na apito ni, azo adiko na dawa ti gbia titene David aga kogara ti gbia. Tongaso Saul amu molenge ti lo ti wali Mikal ti ga wali ti David.

1 Samuel 18:13

Saul azia David makonzi na li ti aturugu saki oko titene lo tumba lo yongoro na tere ti lo. Tongaso, David ayeke na li ti aturugu ni, ala yeke gue na bira, ala yeke kiri.

1 Samuel 17:25

Zo oko oko ayeke tene: “Ala baa koli so ayeke ga so pepe? Lo yeke ga ti gi yanga ti azo ti Israel laa! Zo so ayeke fâ lo, fade gbia ayeke mu na lo gba ti mosoro. Gbia ayeke mu molenge ti lo ti wali ti ga wali ti lo si gbia ayeke zia sewa ti lo afuta lapo mbeni pepe.”

1 Samuel 25:28

Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.