1 Samuel 20:5 - Mbeti ti Nzapa - Tënë so amu fini

⁵ David akiri tënë na lo: “Kekereke ayeke matanga ti fini nze. Mbi lingbi fade ti duti na tere ti gbia ti te kobe. Zia na mbi lege titene mbi gue, mbi honde tere ti mbi na ya ti ngonda ngbii asi na lakui ti mbeni kekereke.

1 Samuel 20:5 Referans Kwoze

Wungo ti azo 10:10

Na lango ti sarango amatanga ti ala nga na amatanga ti ala ti fini nze, ala yeke huru atatalita ni na ndembe so ala yeke mu *asandaga ti ala so ayeke gbi ni kue na wâ nga na asandaga ti beoko. Na lege ti ye so, fade mbi yeke dabe ti mbi na ala. Mbi laa mbi yeke KOTA GBIA Nzapa ti ala.”

1 Samuel 19:2

Jonatan atene tënë ni na David, lo tene: “Babâ ti mbi Saul ayeke gi lege ti fâ mo. Kekereke na ndaperere, mo sara hange. Mo gi mbeni ndo, mo honde tere ti mo daa.

Wungo ti azo 28:11

“Lakue na kozo lango ti fini nze, ala yeke mu akoli-bagara use, koli-taba oko, akete taba mbarambara ti ngu oko so mbage ti tere ti ala abuba pepe ti ya na sandaga so a yeke gbi ni kue na wâ na *KOTA GBIA.

Abia (Psaumes) 81:3

Ala pika mozoko, ala pika kete ngo, kundi so ayeke sara mozoko pendere, ala pika ni, ala pika kota kundi.

Kolose 2:16

Tongaso, alingbi mbeni zo afâ ngbanga na li ti ala pepe ndali ti tënë ti kobe, wala ye ti nyongo ni, wala ndali ti alango ti Nzapa, wala amatanga ti fini nze wala *alango ti wungo tere.

Awatokua 17:14

Tongaso a-ita, azo ti Christ, azia Paul na lege hio titene lo gue na yanga ti kota ngu-ingo; me Silas na Timothée angba ti ala na Bere.

Jean 8:59

Ala mu têne ti bo na Jésus, me lo honde tere ti lo si lo sigigi na ya ti kota da ti Nzapa ni, lo hon.

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Abia (Psaumes) 55:12

Na ya ti gbata ni, gi bubango ye; sarango ngangu nga na handango zo angba na ndö ti alege.

1 Samuel 20:19

Mbeni kekereke, fade mo yeke gue ngbii mo si na ndo so lani mo honde tere ti mo daa kozo so. Fade mo duti nduru na tere ti têne so iri ni Ezel.

1 Samuel 20:6

Tongana babâ ti mo abaa so mbi yeke daa pepe, fade mo tene na lo: ‘David ahunda mbi mingi titene mbi zia lege na lo ti gue na Betlehem, gbata so a du lo daa. Lo ye titene lo na azo ti sewa ti lo kue asara matanga ti mungo *sandaga so ala yeke sara ka na ya ti ngu oko oko.’

2 Agbia 4:23

Koli ti lo ahunda lo, atene: “Mo ye ti gue na ndo ti lo laso ngbanga ti nyen? So e yeke na lango ti fini nze wala *lango ti wungo tere pepe so.” Wali ni akiri tënë, atene: “Gi be ti mo pepe!”

1 Samuel 20:4

Jonatan atene na David: “Ye so be ti mo aye, fade mbi yeke sara ni na mo.”

1 Samuel 20:18

Jonatan atene na lo: “Kekereke ayeke matanga ti fini nze. Fade azo ayeke hinga atene mo ga na matanga ni pepe, ngbanga ti so ndo ti duti ti mo ayeke ngba senge.

1 Samuel 20:24

Tongaso, David ague, ahonde tere ti lo na ya ti ngonda. Lango ti matanga ti fini nze asi awe si gbia aduti ti te kobe.

1 Samuel 20:27

Na ndade ni nga, na use lango ti matanga ti fini nze ni, ndo ti David angba senge. Nilaa Saul ahunda molenge ti lo Jonatan, atene: “Biri na laso, molenge ti Yese aga na tengo kobe ni pepe ngbanga ti nyen?”

Amos 8:5

Ala yeke tene: “Lawa laa matanga ti fini nze ayeke hunzi si e lingbi ti ka kobe ti e so-oo? Lawa laa *lango ti wungo tere ayeke hunzi si e lingbi ti zi yanga ti ada ti kango ale ti kobe ti e so-oo? Fade e yeke pika ngbonda ti sembe ti hakango na ye, e yeke pusu ngere na nduzu, e yeke sanze kilo ti nzi azo na ni.