1 Samuel 20:42 - Mbeti ti Nzapa - Tënë so amu fini

⁴² Jonatan atene na David: “Gue nzoni! Biani, e use kue, e deba yanga ti e na iri ti KOTA GBIA awe: ayeke nzoni KOTA GBIA aduti na popo ti mbi na mo, na popo ti *ahale ti mbi nga na ahale ti mo kpu na kpu.”

1 Samuel 20:42 Referans Kwoze

1 Samuel 1:17

Tongaso, Heli akiri tënë na lo: “Gue nzoni! Ayeke nzoni Nzapa ti Israel amu na mo ye so mo hunda na lo.”

1 Samuel 23:18

Ala use kue aleke tënë ti *mbuki na popo ti ala na dawa ti KOTA GBIA. David angba ti lo na Horsha si Jonatan akiri na ndo ti lo.

Awatokua 16:36

Tongaso wabatango da ti kanga ni atene na Paul: “Azo ti fango ngbanga atokua yanga titene mbi zi mo na Silas, ala gue. Tongaso, ala sigigi fadeso, ala gue na siriri.”

Nzoni Tënë so Luc asu na mbeti 7:50

Me Jésus atene na wali ni: “Mabe ti mo asoo mo awe. Mo gue nzoni!”

1 Samuel 20:15

ataa KOTA GBIA azi awato ti mo oko na oko na ndö ti sese so, fade mo yeke ke ti sara nzoni be na azo ti sewa ti mbi pepe.”

Wungo ti azo 6:26

Ayeke nzoni KOTA GBIA abi le ti lo na ndö ti mo, lo mu na mo siriri!’

1 Samuel 20:16

Tongaso Jonatan asara mbuki na David nga na asewa ti lo. Tënë ti ya ti mbuki ni ayeke so: “Ayeke nzoni KOTA GBIA akiri peko ti sioni na awato ti David.”

1 Samuel 25:35

Aye so Abigail aga na ni, David amu na maboko ti lo. Na pekoni, David atene na lo: “Kiri nzoni na da ti mo. Mbi ma demango tere ti mo awe, mbi sara nzoni be na mo.”

2 Samuel 9:1

Mbeni lâ, David ahunda ndo, atene: “Mbeni zo ti sewa ti Saul angba na fini pepe? Mbi ye ti sara nzoni be na lo ndali ti Jonatan.”