1 Samuel 19:5 - Mbeti ti Nzapa - Tënë so amu fini

⁵ Lo ka yingo ti fâ Goliat, zo ti Filistii. Na lango ni so, *KOTA GBIA asara si azo ti Israel kue aso benda. Mo baa ye ni na le ti mo si tere ti mo anzere ndali ni. Mo ye ti tuku mene ti mbeni zo so asara sioni pepe ngbanga ti nyen? Mo ye ti fâ David senge senge ngbanga ti nyen?”

1 Samuel 19:5 Referans Kwoze

1 Mbai 11:14

Elazar na azo ti lo aluti na ya ti yaka ni. Na pekoni, ala mu ni si ala fâ azo ti Filistii. KOTA GBIA asara si azo ti Israel aso benda.

1 Samuel 11:13

Me Saul atene: “Laso, a yeke fâ zo oko pepe, ngbanga ti so KOTA GBIA asoo azo ti Israel na kuâ awe.”

Matthieu 27:4

Lo tene na ala: “Mbi sara siokpari awe, ngbanga ti so mbi ka na ala mbeni zo so asara sioni oko pepe.” Me ala kiri tënë na lo, atene: “Ti e daa nyen? So abaa gi mo!”

1 Samuel 20:32

Jonatan akiri tënë na babâ ti lo Saul, atene: “A yeke fâ lo ngbanga ti nyen? Nyen laa lo sara?”

Awafango-ngbanga 9:17

Babâ ti mbi atiri ando bira ndali ti ala; lo ka tere ti lo na kuâ titene lo zi ala na maboko ti azo ti Madian.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Abia (Psaumes) 119:109

Kuâ ayeke gi mbi mbage na mbage kue, me mbi girisa ndia ti mo pepe.

1 Samuel 28:21

Wali ni aga nduru na tere ti Saul si lo baa so mbeto ahon ndö ti Saul mingi. Lo tene na Saul: “Mbi zo ti kua ti mo, mbi ma yanga ti mo awe. Mbi ka yingo si mbi sara ye alingbi na tënë so mo tene na mbi.

Filipe 2:30

ngbanga ti so angba kete lo kui ndali ti kua ti Christ. Lo ka tere ti lo titene lo ga lo sara na mbi ye so ala wani alingbi fade ti sara ndali ti mbi.

Jean 15:25

Me aye so asi titene tënë ti *Ndia ti ala aga taa-tënë; Ndia ni atene: ‘Ala ke mbi gi senge senge.’

Matthieu 27:24

So Pilate abaa atene, ni ha gbaa si wusuwusu ayeke gue guengo na nduzu, lo mu ngu si lo sukula maboko ti lo na le ti azo kue; lo tene na ala: “Ngbanga ti kuâ ti koli so ayeke na li ti mbi pepe! So abaa gi ala wani!”

Jérémie 26:15

Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Abia (Psaumes) 69:4

Mbi dekongo ngbii mbi woko awe, go ti mbi kue gi wâ, le ti mbi abaa ndo na mbage ti mo, Nzapa ti mbi gbaa.

1 Samuel 14:45

Me aturugu atene na Saul: “Jonatan so asara si azo ti Israel aso benda so, fade lo yeke kui biani? Tongana e fâ lo, so ayeke sioni ye mingi. KOTA GBIA ayeke na fini! E yeke yeda titene kua ti li ti Jonatan oko ati na sese pepe, ngbanga ti so lo na Nzapa laa asara ye so laso!” Tongaso aturugu asoo Jonatan na ya ti kuâ.

Awafango-ngbanga 12:3

So mbi baa mbi tene, ala ga ti soo mbi pepe, mbi ka tere ti mbi na kuâ, mbi gue, mbi sara bira na azo ti Amon si *KOTA GBIA azia ala na maboko ti mbi. Ngbanga ti nyen si ala ga fadeso ti tiri bira na mbi?”

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

Sigingo 14:13

Moïse akiri tënë na azo ni, atene: “Ala sara mbeto pepe! Ala luti tongana koli! Ala yeke baa lege so KOTA GBIA ayeke soo ala na kuâ laso. Biani, azo ti Ezipte so ala yeke baa ala laso, ala yeke kiri ti baa ala mbeni pepe!

Abia (Psaumes) 25:3

Azo so azia be ti ala ti ku mo, kamene ayeke gbu ka ala pepe. Me ala so aka mo senge senge, ala laa kamene ayeke gbu ala.

1 Samuel 19:6

Saul ama tënë ti Jonatan si lo deba yanga ti lo, lo tene: “KOTA GBIA ayeke na fini! Fade mbi yeke fâ David pepe.”

1 Samuel 22:14

Ahimelek akiri tënë na gbia, atene: “Na popo ti azo ti kua ti mo kue, mbeni mbirimbiri zo tongana David ayeke daa? Lo yeke kogara ti gbia, lo ga makonzi ti aturugu ti batango mo, azo ti da ti mo ayeke ne lo mingi.

2 Samuel 23:10

Me Elazar alondo si lo fâ azo ti Filistii ngbii maboko ti lo awoko si angba gi na tere ti yongoro zeme ti lo. Na lango ni so, *KOTA GBIA asara si azo ti Israel aso benda. Aturugu ni akiri na tere ti Elazar gi ti ro aye ti azo so akui so.

Abia (Psaumes) 94:21

Ala bongbi ti sara sioni na zo ti mbirimbiri, ala fâ ngbanga ti kuâ na li ti zo so tënë ayeke na li ti lo pepe.

1 Mbai 11:18

Tongaso akpengba turugu ota so ali na ya ti bâbâ ti azo ti Filistii na ngangu, ala to ngu ti du ti ngu so ayeke na yanga ti gbata ti Betlehem, ala ga na ni na David; me lo ke ti nyon ngu ni. Lo tuku ngu ni na sese tongana *sandaga ti samba ndali ti KOTA GBIA.

Abia (Psaumes) 109:5

Mbi sara nzoni na ala, me ala kiri sioni na mbi; mbi ye ala, me be ti ala ake mbi.