1 Samuel 18:7 - Mbeti ti Nzapa - Tënë so amu fini

⁷ Awali ni abongbi yanga oko, ala yeke na ngia si ala yeke he bia, atene: “Saul afâ azo saki saki, David afâ ti lo azo saki baleoko, saki baleoko.”

1 Samuel 18:7 Referans Kwoze

1 Samuel 21:11

Na lango ni so, David alondo akpe yongoro na tere ti Saul. Lo si na ndo ti Akish, gbia ti Gat.

1 Samuel 29:5

So David laa pepe? Lo laa lani awali adodo si ahe bia na iri ti lo, atene: ‘Saul afâ azo saki saki, David afâ ti lo azo saki baleoko, saki baleoko.’ ”

Sigingo 15:21

Miriam amu li ti bia ni na ala, atene: “Ala he bia na KOTA GBIA, lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!”

2 Samuel 6:5

David na azo ti Israel kue ayeke fa ngia ti ala na dawa ti KOTA GBIA. Ala yeke pika aye ti mozoko nde nde so a sara na keke ti sipre: akota kundi, akete kundi, akete ngo, asistre na awen so atoto.

2 Samuel 18:3

Me aturugu ni akiri tënë: “Mo yeke gue pepe! Biani, tongana e kpe, ayeke mbeni kota ye pepe. Ataa a fâ ndambo ti aturugu ti e, ayeke nga mbeni kota ye pepe. Ti mo, mo lingbi na aturugu saki baleoko tongana e so. Nilaa ayeke nzoni mo ngba ti mo na ya ti gbata si mo lingbi ti mu na e maboko.”

1 Samuel 21:12

Azo ti kua ti Akish atene na lo: “So David laa pepe? So gbia ti Israel laa pepe? Lo laa awali adodo lani si ahe bia na iri ti lo, atene: ‘Saul afâ azo saki saki, David afâ ti lo azo saki baleoko, saki baleoko?’ ”

2 Samuel 23:1

Tanga ti atënë ti David ayeke so: Tënë ti David, molenge ti Yese, tënë ti zo so Nzapa ayo lo na nduzu; tënë ti gbia so Nzapa ti Jacob atuku mafuta na li ti lo, lo so azo ti Israel ahe bia mingi na iri ti lo.