Bib sou entènèt

1 Samuel 18:6 - Mbeti ti Nzapa - Tënë so amu fini

⁶ Na peko ti so David afâ Goliat, zo ti Filistii si lo na aturugu ayeke kiri na kodro, awali alondo na ya ti agbata ti Israel kue ti gue ti wara gbia Saul. Ala yeke he bia, ala yeke dodo, ala yeke pika ngo, ala yeke pika mozoko, ala dekongo na ngia.

Gade chapit la Kopi

« Previous

tounen moute ⬆

Awafango-ngbanga 11:34

Na ndembe so Yefte ayeke kiri na da ti lo so ayeke na Mispa, molenge ti lo ti wali laa asigigi ti yamba lo, lo yeke pika kete ngo si lo yeke dodo. Oko molenge ti Yefte laa; na peko ti lo, mbeni molenge ayeke daa pepe, ataa ti koli wala ti wali.

Gade chapit la

Sigingo 15:20

Tongaso Miriam, wayanga-Nzapa, ita ti Aaron ti wali amu kete ngo. Awali ti Israel kue amu peko ti lo, ala yeke pika kete ngo si ala yeke dodo.

Gade chapit la

Abia (Psaumes) 68:25

O Nzapa, azo abaa molongo ti azo ti mo so aso benda, molongo ti azo ti Nzapa ti mbi, Gbia ti mbi, ala yeke na ndo ti mo so ayeke nde si ayeke nzoni kue.

Gade chapit la

Sigingo 15:21

Miriam amu li ti bia ni na ala, atene: “Ala he bia na KOTA GBIA, lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!”

Gade chapit la

1 Samuel 18:5

Ndo so kue Saul ayeke tokua David daa ti tiri bira, David ayeke so benda. Saul azia lo na li ti azo ti bira kue. Azo ti kodro kue na azo ti gbe ti Saul aye tënë ti lo.

Gade chapit la

2 Samuel 1:20

Ala tene tënë so na azo ti Gat pepe; ala gue na atënë ni na ndö ti alege ti Askalon pepe, ngbanga ti amaseka-wali ti azo ti Filistii awara ngia daa, ngbanga ti amaseka-wali ti azo so afâ *ganza pepe adodo na ngia.

Gade chapit la

2 Samuel 6:5

David na azo ti Israel kue ayeke fa ngia ti ala na dawa ti KOTA GBIA. Ala yeke pika aye ti mozoko nde nde so a sara na keke ti sipre: akota kundi, akete kundi, akete ngo, asistre na awen so atoto.

Gade chapit la