1 Samuel 18:28 - Mbeti ti Nzapa - Tënë so amu fini

²⁸ Saul abaa si lo hinga atene, KOTA GBIA ayeke na David si molenge ti lo ti wali Mikal aye David.

1 Samuel 18:28 Referans Kwoze

Aye so Nzapa afa 3:9

Baa, ambeni zo atene, ani yeke azuife, andaa ala yeke taa azuife pepe. Ala yeke tene mvene, ala yeke azo ti bongbi ti Satan. Fade mbi yeke sara titene ala ga, ala kuku na gbe ti mo si ala hinga atene, mbi ye mo.

1 Samuel 26:25

Saul atene na David: “Ayeke nzoni Nzapa asara tufa na ndö ti mo, molenge ti mbi. Taa-tënë, mo yeke sara ande akota ye si mo yeke so benda.” David ahon ti lo si Saul akiri na ndo ti lo.

1 Samuel 24:20

Lakue, tongana mbeni zo awara wato ti lo, fade lo yeke zia wato ti lo ni ahon senge? Oko pepe! Ayeke nzoni KOTA GBIA akiri na mo peko ti nzoni so mo sara na mbi laso so.

Tongo nda ti aye 39:3

Wa ti Joseph abaa so KOTA GBIA ayeke na Joseph si KOTA GBIA ayeke sara titene aye so kue lo yeke sara, aga nzoni.

Tongo nda ti aye 30:27

Laban akiri tënë na lo, atene: “Mbi gbu gere ti mo, mo baa mbi na nzoni le. Zeke ti mbi afa na mbi so KOTA GBIA asara tufa na ndö ti mbi ndali ti mo.

1 Samuel 18:20

Andaa Mikal, mbeni molenge ti Saul ti wali aye David. A tene tënë ni na Saul si tënë ni anzere na lo.

1 Samuel 18:27

David na azo ti lo alondo ti gue ti tiri bira na azo ti Filistii si lo fâ ala ngbangbo use. David aga na apito ni, azo adiko na dawa ti gbia titene David aga kogara ti gbia. Tongaso Saul amu molenge ti lo ti wali Mikal ti ga wali ti David.

1 Samuel 18:29

Mbeto ti David akiri asara Saul ahon ndoni si lo ga wato ti David biani biani.

Tongo nda ti aye 26:28

Ala kiri tënë, atene: “E baa biani so KOTA GBIA ayeke na mo. Nilaa e tene na be ti e, e tene, ayeke nzoni e na mo, e deba yanga ti e na popo ti e ti ga ambuki.