1 Samuel 17:8 - Mbeti ti Nzapa - Tënë so amu fini

⁸ Goliat aluti si lo dekongo na aturugu ti Israel, lo tene: “Ala sigigi aleke tere ti ala ti tiri bira ngbanga ti nyen? Mbi yeke zo ti Filistii; ala yeke ti ala angbaa ti Saul pepe? Ala soro mbeni zo na popo ti ala aga atiri na mbi.

1 Samuel 17:8 Referans Kwoze

1 Samuel 8:17

Lo yeke zi lapo ti ataba ti ala na ti angasa ti ala. Ti hunzi na ni, fade ala wani, ala yeke ga angbaa ti lo.

1 Mbai 21:3

Yoab akiri tënë: “Ayeke nzoni *KOTA GBIA asara titene azo ti lo awu fani ngbangbo oko ahon so! Gbia ti mbi, ala kue ayeke azo ti kua ti mo pepe? Gbia, mo gi ti hinga ye so ngbanga ti nyen? Ngbanga ti nyen laa ye tongaso ayeke sara fade titene tënë aga na li ti azo ti Israel?”

2 Samuel 11:11

Urii akiri tënë na David, atene: “Sanduku ti *mbuki ti *KOTA GBIA, aturugu ti Israel na ala ti Juda kue ayeke lango na gbe ti da ti bongo. Makonzi ti aturugu Yoab na aturugu ti lo ti kota kamba ayeke lango na ya ti ngonda si mbi, mbi gue ti mbi na da ti mbi ti te kobe, ti nyon ye, ti lango na tere ti wali ti mbi? Gbia ayeke na fini! Mbi yeke sara mara ti ye tongaso laoko pepe.”

1 Samuel 17:26

David ahunda azo so ayeke luti nduru na tere ti lo so, atene: “Zo so ayeke fâ zo ti Filistii so si ayeke zi kamene na le ti azo ti Israel, fade a yeke sara nyen na lo? Zo ti Filistii so ahinga Nzapa pepe so, lo yeke zo wa si lo yeke gi yanga ti aturugu ti Nzapa so ayeke na fini so?”

1 Samuel 17:23

So lo ngba ti tene tënë na ala, Goliat, zo ti Filistii ti gbata ti Gat asigigi na popo ti aturugu ti Filistii. Lo yeke tene gi atënë so lo yeke tene ka; David ama lo.