1 Samuel 17:45 - Mbeti ti Nzapa - Tënë so amu fini

⁴⁵ David atene na zo ti Filistii ni: “Mo mu yongoro zeme na likongo nga na kota likongo ti ga ti tiri na mbi. Ti mbi, mbi yeke ga ti tiri na mo na iri ti KOTA GBIA so ngangu ti lo ahon angangu kue, Nzapa ti aturugu ti Israel so mo gi yanga ti lo so.

1 Samuel 17:45 Referans Kwoze

2 Korente 10:4

Aye ti bira ti e alondo na zo ti sese so pepe, me ngangu ti aye ti bira ti e alondo na Nzapa si ayeke buba angangu gbagba ti bira. Atënë ti gbungo-li ti azo so ayeke na legeni pepe, e yeke buba ni.

2 Mbai 32:8

Ngangu ti gbia ni ayeke gi ngangu ti zo; me ngangu ti e ayeke KOTA GBIA, Nzapa ti e so ayeke mu maboko na e si lo yeke tiri bira ndali ti e.” Azo ni aluti na ndö ti tënë ti Ezekias, gbia ti Juda.

2 Korente 3:5

E baa tere ti e pepe, e tene, e lingbi ti sara kua ni na ngangu ti e wani, me e lingbi ti sara kua ni na ngangu so alondo na Nzapa.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Abia (Psaumes) 18:2

KOTA GBIA, mbi ye mo, mo yeke ngangu ti mbi!

Abia (Psaumes) 124:8

Zo ti mungo maboko na e ayeke KOTA GBIA wani, lo so lo sara yayu na sese.

1 Samuel 17:36

Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”

Ésaïe 37:23

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

1 Samuel 17:10

Laso, mbi yeke gi yanga ti aturugu ti Israel. Ala mu na mbi mbeni zo titene mbi na lo, e tiri bira.”

Abia (Psaumes) 3:8

KOTA GBIA, londo! Nzapa ti mbi, soo mbi! Biani, mo pika ngbangba ti awato ti mbi kue, mo kungbi pembe ti azo ti sioni.

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Abia (Psaumes) 44:6

Ndali ti mo, e kinda awato ti e; na lege ti iri ti mo, e do na sese azo so ake e.

Ésaïe 37:28

Mbi hinga ye kue na ndö ti mo: tongana mo yeke duti, tongana mo yeke sigigi na da ti mo, tongana mo yeke kiri na da ti mo, nga tongana mo yeke sara ngonzo na tere ti mbi.

1 Samuel 17:26

David ahunda azo so ayeke luti nduru na tere ti lo so, atene: “Zo so ayeke fâ zo ti Filistii so si ayeke zi kamene na le ti azo ti Israel, fade a yeke sara nyen na lo? Zo ti Filistii so ahinga Nzapa pepe so, lo yeke zo wa si lo yeke gi yanga ti aturugu ti Nzapa so ayeke na fini so?”

1 Samuel 17:6

Lo kanga poro so a sara na bengba wen na gere ti lo, lo yo likongo so a sara na bengba wen.

2 Mbai 14:10

Asa adekongo na KOTA GBIA, Nzapa ti lo, lo tene: “KOTA GBIA, mo lingbi ti mu maboko na zo so ayeke na ngangu pepe nga na zo so ayeke na ngangu. KOTA GBIA, Nzapa ti e, ga, mo mu maboko na e maa! Biani, e luti na ndö ti mo. Na iri ti mo laa e ga ti tiri bira na gba ti aturugu so. KOTA GBIA, Nzapa ti e, sara si mbeni zo ahon ndö ti mo pepe.”

Abia (Psaumes) 20:8

Ambeni zo azia be ti ala na ndö ti apusu ti mbarata, ambeni azia be ti ala na ndö ti ambarata. Ti e, e zia be ti e na ndö ti iri ti KOTA GBIA, Nzapa ti e, lo laa e yeke voro lo.