1 Samuel 17:32 - Mbeti ti Nzapa - Tënë so amu fini

³² David atene na Saul: “Alingbi be ti zo oko awoko pepe ndali ti zo ti Filistii so. Fade mbi, zo ti gbe ti mo, mbi yeke gue ti tiri bira na lo.”

1 Samuel 17:32 Referans Kwoze

1 Samuel 16:18

Mbeni zo ti kua oko akiri tënë, atene: “Mbi baa mbeni molenge ti Yese so ayeke lango na Betlehem. Molenge ni ayeke pika mozoko nzoni, lo yeke mbeni kpengba molenge, lo yeke mbeni ngangu turugu; lo yeke tene tënë na ndara; lo yeke mbeni pendere koli, KOTA GBIA ayeke na lo.”

Abia (Psaumes) 3:6

Mbi lango na ndö ti gbogbo, lango ahon na mbi; ndade mbi zingo, ngbanga ti so KOTA GBIA laa abata mbi.

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Wungo ti azo 14:9

Gi ye oko, ala sara ngangu li na KOTA GBIA pepe, ala sara mbeto ti azo ti kodro ni pepe, e yeke nika ala gi legeoko awe! Anzapa ti batango ala ado ala azia awe; me ti e, KOTA GBIA ayeke na e. Ala sara mbeto ti azo ni pepe!”

Ahebro 12:12

Ndani laa, ala yoro ya ti amaboko ti ala so awoko, ala sara si alikunu ti ala so awoko, akpengba!

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”

Josué 14:12

Tongaso, mu na mbi sese ti ahoto so KOTA GBIA amu na mbi zendo ni na ngoi ni so. Na ngoi ni so, mo ma nga atene, azo ti mara ti Anak ayeke lango na ya ti akota gbata so angangu gbagba ayeke na tere ni. Tongana KOTA GBIA ayeke na mbi, fade mbi yeke mu sese ni tongana ti so lo mu zendo ni.”

Wungo ti azo 13:30

Kaleb ahunda na azo so akasa Moïse ti kai si lo tene na ala: “E gue! E gue, e mu kodro so. E lingbi ti so benda!”

1 Samuel 17:31

So azo ama tënë so David atene so, ala gue, atene peko ni na Saul. Tongaso Saul atokua azo ti iri lo.

Ésaïe 7:4

Fade mo yeke tene na lo: ‘Hange! Mo duti kpoo, mo sara mbeto pepe. Ayeke nzoni be ti mo ado pepe, ngbanga ti Resen, zo ti Sirii so nga na Peka. Agbia use so akpa gi anduru keke so guru ti wâ angba ti sigigi daa kete kete.