1 Samuel 16:2 - Mbeti ti Nzapa - Tënë so amu fini

² Samuel atene: “Mbi yeke gue tongana nyen? Tongana Saul ama tënë so, fade lo yeke fâ mbi!” KOTA GBIA atene: “Fade mo yeke mu mbeni molenge ti bagara na tere ti mo si mo tene mo ga ti mu *sandaga na KOTA GBIA.

1 Samuel 16:2 Referans Kwoze

1 Samuel 9:12

Amaseka-wali ni akiri tënë na ala: “Een, lo yeke daa! Singo ti lo laa! Ala gue hio si. Lo ga na ya ti gbata ni laso laso, ngbanga ti so azo ti gbata ni ayeke mu *sandaga laso na Nzapa na ndo so a leke na ndö ti hoto.

1 Samuel 20:29

Lo tene na mbi: ‘Mbi gbu gere ti mo, zia lege na mbi, mbi gue, ngbanga ti so mbi na azo ti sewa ti mbi, e yeke mu sandaga na Nzapa si ita ti mbi ti koli airi mbi ti gue. Tongana mo baa mbi na nzoni le, mu na mbi lege ti gue ti baa a-ita ti mbi.’ Ndani laa David aga na matanga ti tengo kobe so gbia aleke so pepe.”

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Nzoni Tënë so Luc asu na mbeti 1:34

Marie atene na ange ni: “Ye ni ayeke sara ande tongana nyen so mbi de ti hinga koli pepe so?”

Sigingo 3:11

Moïse atene na Nzapa, atene: “Mbi yeke zo wa ti gue na ndo ti Faraon ti zi azo ti Israel na sese ti Ezipte ti sigigi na ala?”

1 Samuel 16:3

Na ndembe ti mungo sandaga ni, fade mo iri Yese. Mbi wani, mbi yeke fa na mo ye so mo lingbi ti sara. Zo so mbi yeke fa ande lo na mo, mo yeke tuku mafuta na li ti lo titene lo ga gbia.”