1 Samuel 15:29 - Mbeti ti Nzapa - Tënë so amu fini

²⁹ Kota Gbia, lo so lo yeke gonda ti Israel ayeke tene mvene pepe. Lo yeke zo pepe titene lo kiri na peko na ndö ti tënë ti lo.”

1 Samuel 15:29 Referans Kwoze

Ezekiel 24:14

Mbi KOTA GBIA, mbi tene tënë awe. Ye so kue ayeke si; mbi yeke sara ye ni. Mbi yeke zia ni ahon senge pepe; mbi yeke baa mawa ti ye oko pepe, be ti mbi ayeke so oko pepe. A yeke fâ ngbanga na li ti mo alingbi na lege ti dutingo ti mo nga na asarango ye ti mo. So tënë ti yanga ti Kota Gbia NZAPA laa.”

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

Tite 1:2

tongaso si ala zia be ti ala ti ku fini so angba lakue lakue. Nzapa ayeke tene mvene pepe; kozo si dunia abaa gigi, Nzapa amu zendo ti mu na ala fini ni so.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

2 Timothée 2:13

tongana e sara ye alingbi na tënë ti yanga ti e pepe, ti lo, lo yeke ngba ti sara ye lakue alingbi na tënë ti yanga ti lo. Biani, lo lingbi ti bere tënë ti yanga ti lo wani pepe.”

Abia (Psaumes) 95:11

Tongaso na ya ti ngonzo ti mbi, mbi deba yanga, mbi tene: ‘Kodro so mbi leke titene ala wu tere ti ala daa, fade ala yeke li na ya ni oko pepe.’ ”

2 Korente 12:9

Me lo tene na mbi: “Nzoni be so mbi sara na mo so alingbi awe. Na ndembe so zo ayeke na ngangu pepe, ngangu ti mbi alingbi ti sara ye kue.” Tongaso, mbi yeke gonda tere ti mbi, gi ngbanga ti so mbi yeke na ngangu pepe, tongaso si ngangu ti Christ aduti na ya ti tere ti mbi.

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Abia (Psaumes) 68:35

Ala azo, ala fa so Nzapa ayeke ngangu, nengo ti lo ti gbia ayeke na ndö ti Israel, ngangu ti lo ayeke na ya ti ambinda.

Abia (Psaumes) 29:11

Fade KOTA GBIA ayeke mu ngangu na azo ti lo; KOTA GBIA ayeke sara tufa na ndö ti azo ti lo na mungo na ala siriri.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Ndia ti fani use ni 33:27

Nzapa so angba lakue, lo yeke ndo ti batango tere ti mo; lo ngba lakue ti fa ngangu ti lo na ndö ti sese so. Lo tumba awato na dawa ti mo si lo tene: ‘Fâ ala kue kue kue!’

1 Mbai 29:11

KOTA GBIA, mo yeke kota, mo yeke ngangu, mo lingbi na gonda, iri ti mo awu mingi, mo yeke gbia! Biani, aye so kue ayeke na yayu nga na ndö ti sese ayeke ti mo. KOTA GBIA, lengo-gbia ayeke ti mo si mo yeke na li ti aye kue.

Ahebro 7:21

Me ti Jésus, Nzapa adeba yanga ti lo, atene: “*Kota Gbia adeba yanga ti lo awe, lo yeke kiri na ndö ti tënë ti lo pepe: mo yeke duti wayango-sandaga kpu na kpu.”