1 Samuel 14:1 - Mbeti ti Nzapa - Tënë so amu fini

¹ Mbeni lâ, Jonatan, molenge ti Saul atene na zo so ayeke yo aye ti bira ti lo, atene: “Ga, e gue na ndo so azo ti Filistii aduti daa, na mbage kâ so.” Me Jonatan atene tënë ni na babâ ti lo pepe.

1 Samuel 14:1 Referans Kwoze

Mishe 7:5

Ala azo, azo so ayeke nduru na ala, ala yeda na tënë ti ala pepe; azo so ala ye ala mingi so, ala zia be ti ala na ndö ti ala pepe. Ataa na awali ti ala wani, ala bata yanga ti ala.

1 Samuel 25:19

Na pekoni, lo tene na azo ti kua ti lo: “Ala hon na li ni, mbi yeke mu peko ti ala.” Me Abigail atene tënë ni na koli ti lo Nabal pepe.

1 Samuel 13:22

Tongaso, na lango ti bira, aturugu ti Saul na ala ti Jonatan ayeke na ayongoro zeme pepe, ala yeke nga na alikongo pepe. Gi Saul na molenge ti lo Jonatan laa ayeke na ni.

1 Samuel 13:2

Na popo ti azo ti Israel, Saul asoro aturugu saki ota. Aturugu saki use angba na tere ti lo na kodro ti Mikmas nga na sese ti ahoto ti Betel. Ambeni saki oko ayeke na tere ti molenge ti lo Jonatan na gbata ti Gibea, na sese ti Benjamin. Saul atene na tanga ti azo ti Israel titene zo oko oko akiri na ndo ti lo.

Awafango-ngbanga 14:6

Yingo ti KOTA GBIA aga na ndö ti Samson. Ataa so ye oko ayeke na maboko ti lo pepe, lo gbu bamara ni si lo suru ya ti lo tongana senge molenge ti ngasa. Me lo honde tënë ti ye so lo sara so na babâ na mama ti lo.

Awafango-ngbanga 6:27

Gédéon amu akoli baleoko na popo ti azo ti kua ti lo, lo sara ye so KOTA GBIA ahunda na lo. Lo sara ye ni na kota lâ pepe; lo sara ni na bi ndali ti so lo sara mbeto ti azo ti da ti babâ ti lo nga na azo ti gbata ni.

1 Samuel 13:23

Mbeni bongbi ti aturugu ti Filistii ague, aduti na lege so ague na Mikmas.

1 Samuel 14:2

Saul aduti na maka ti Gibea na gbe ti keke ti grenade so ayeke na kodro ti Migron. Aturugu nduru na ngbangbo omene ayeke na tere ti lo.

Awafango-ngbanga 14:9

Lo mu mbeni mafuta ni na maboko ti lo si lo yeke te ni na lege. So lo si na tere ti babâ na mama ti lo awe, lo mu mbeni na ala, ala te. So lo zi mafuta ti wotoro so na ya ti kuâ ti bamara so, lo tene nga tënë ni na babâ na mama ti lo pepe.