1 Samuel 12:5 - Mbeti ti Nzapa - Tënë so amu fini

⁵ Samuel akiri tënë na ala: “KOTA GBIA na gbia so lo soro lo ama tënë ti yanga ti ala laso awe. Ala wara mbeni tënë na li ti mbi pepe.” Azo ti Israel akiri tënë: “Een! KOTA GBIA ama tënë ti e awe.”

1 Samuel 12:5 Referans Kwoze

Sigingo 22:4

“Tongana zo azia anyama ti lo ti gue ti te pere na yaka ti lo wala na yaka ti *vinye ti lo wani, me anyama ni ague, ate pere na yaka ti mba ti lo wala na yaka ti vinye ti mba ti lo, alingbi wa ti anyama ni amu na mba ti lo ni anzoni le ti kobe ti yaka ti lo wala anzoni le ti kobe ti yaka ti vinye ti lo.

Awatokua 24:20

Wala ala so ge so, ala fa sioni so ala wara na li ti mbi na ndembe so mbi yeke na gbe ti azo ti *Kota Bongbi ti Fango Ngbanga.

Awatokua 23:9

Dekongo ni ahon ndoni si ambeni wafango-ndia so ayeke na ya ti bongbi ti afarizien alondo si ala tene na kuru go, atene: “E wara mbeni tënë ti sioni na li ti koli so pepe. Mbeni yingo wala mbeni ange laa atene tënë na lo? E hinga so pepe.”

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

1 Korente 4:4

Na be ti mbi, mbi baa mbeni sioni ye ayeke na li ti mbi oko pepe, me so laa asara si mbi ga zo ti mbirimbiri pepe. *Kota Gbia laa ayeke fâ ngbanga ti mbi.

Awatokua 24:16

Ndani laa, mbi nga, mbi yeke sara ngangu lakue titene mbeni sioni ye aduti na be ti mbi na le ti Nzapa pepe nga na le ti azo pepe.

Jean 18:38

Pilate ahunda lo, atene: “Taa-tënë ayeke nyen?” Na pekoni, Pilate akiri asigigi, lo gue, lo wara azuife si lo tene na ala: “Mbi wara ti mbi mbeni tënë oko pepe ti fâ ngbanga na li ti koli so ndali ni.

Abia (Psaumes) 17:3

Mo gi ya ti atënë ti be ti mbi awe. Na bi, mo ga ti gi ti hinga mbi nzoni, mo tara be ti mbi, mo wara ye oko pepe; tënë so mbi gbu li ti mbi daa, ni laa asigigi na yanga ti mbi pepe.

Mbeti ti Job 42:7

So *KOTA GBIA atene tënë so na Job awe, lo tene na Elifaz, zo ti kodro ti Teman, atene: “Ngonzo ti mbi ti wâ alondo na tere ti mo nga na tere ti amba ti mo use, ngbanga ti so ala tene taa-tënë na ndö ti mbi pepe; Job, zo ti kua ti mbi laa atene taa-tënë.

1 Samuel 26:9

Me David atene na Abishai: “Fâ lo pepe. Zo so *KOTA GBIA atuku mafuta na li ti lo awe so, tongana mbeni zo afâ lo, fade a yeke zia zo ni senge?”

1 Samuel 12:4

Azo ti Israel atene: “Mo mu ye ti e na haram pepe. Mo sara ngangu na e pepe. Mbeni zo oko apete nga goro na mo pepe.”

Tongo nda ti aye 31:50

Tongana mo sara pasi na amolenge ti mbi ti wali si mo kiri mo mu ambeni wali nde na ndö ti amolenge ti mbi, mo sara hange, ngbanga ti so zo laa ayeke baa e pepe, me Nzapa laa ayeke baa mbi na mo.”

Mbeti ti Job 16:19

Ti fadeso, mbeni zo ti gbungo koko ti mbi ayeke na yayu; mbeni zo so ahinga tënë na ndö ti mbi ayeke na yayu kâ.