1 Samuel 12:18 - Mbeti ti Nzapa - Tënë so amu fini

¹⁸ Samuel asambela KOTA GBIA si KOTA GBIA atokua bekpa na ngu-Nzapa gi na lango ni so. Mbeto ti KOTA GBIA na mbeto ti Samuel agbu azo ti kodro mingi.

1 Samuel 12:18 Referans Kwoze

Sigingo 14:31

Azo ti Israel abaa so, na lege ti ngangu ti maboko ti lo, KOTA GBIA ahon ndö ti azo ti Ezipte. Nilaa ala kpe mbeto ti KOTA GBIA si ala zia be ti ala na ndö ti KOTA GBIA nga na ndö ti Moïse, zo ti kua ti lo.

Esdras 10:9

Tongaso, na peko ti lango ota, so ti tene na lango baleuse ti nze gumbaya ni, akoli kue ti sese ti Juda na ti Benjamin abongbi na Jérusalem. Azo ni aduti na kota le ti kodro ti ya ti gbagba ti kota da ti Nzapa, tere ti ala ayeke do ndali ti tënë so nga ndali ti ngu-Nzapa so ayeke pika.

Mbeti ti Job 37:13

Nzapa atokua ala ti pika azo ti ndö ti sese, wala ti fa na ala nzoni be ti lo.

Abia (Psaumes) 99:6

Moïse na Aaron ayeke ando na popo ti awayango-sandaga ti lo; Samuel ayeke ando na popo ti azo so adi iri ti KOTA GBIA si lo yeke kiri tënë na ala.

Josué 4:14

Na lango ni so, KOTA GBIA asara si Josué aga kota na le ti azo ti Israel kue. Na lango so kue lo ngba na fini, ala ne lo tongana ti so ala ne ando Moïse.

Josué 10:12

Tongaso, na lango so KOTA GBIA azia azo ti mara ti Amori na maboko ti azo ti Israel, Josué ahunda mbeni ye na KOTA GBIA, na le ti azo ti Israel kue, atene: “Lâ, mo luti na ndö ti Gabaon! Nze, mo luti na ndö ti popo-hoto ti Ayalon!”

1 Agbia 18:42

Akab ague ti te, ti nyon. Ti Élie, lo gue na li ti hoto ti Karmel. Kâ, lo kuku, lo kpo li ti lo na sese, li ti lo na popo ti alikunu ti lo.