1 Samuel 12:11 - Mbeti ti Nzapa - Tënë so amu fini

¹¹ Tongaso KOTA GBIA atokua Gédéon, Bedan, Yefte na mbi Samuel ti zi ala na maboko ti awato so angoro ala. Tongaso si ala lingbi ti lango na ya ti kodro ni na siriri.

1 Samuel 12:11 Referans Kwoze

Awafango-ngbanga 6:32

Gi na lango ni so, azo adi iri ti Gédéon: Yerubaal, so aye ti tene: “Ayeke nzoni Baal agbu koko ti lo wani”, ngbanga ti so lo kungbi gbalaka ti Baal na sese.

Awafango-ngbanga 4:6

Mbeni lâ, Debora atokua ti iri Barak, molenge ti Abinoam. Barak ayeke na kodro ti Kedesh na sese ti Neftali. Debora atene na lo: “KOTA GBIA, Nzapa ti Israel amu yanga atene, mo londo, mo gue, mo mu akoli saki baleoko na popo ti azo ti mara ti Neftali na ti Zabulon, mo gue na ala na ndö ti hoto ti Tabor.

Awafango-ngbanga 6:14

KOTA GBIA abaa ndo na mbage ti Gédéon si atene na lo: “Na ngangu so mo yeke na ni, gue, mo zi azo ti Israel na maboko ti azo ti Madian! Mbi laa mbi tokua mo.”

1 Samuel 7:13

Azo ti Filistii ati na gbe ti azo ti Israel. Ala kiri ali na sese ti Israel pepe. Na ya ti alango so kue Samuel angba na fini, maboko ti KOTA GBIA asara ngangu na azo ti Filistii.

Awafango-ngbanga 8:35

Na peko ti anzoni ye so kue Yerubaal, so ti tene Gédéon asara na azo ti Israel, azo ti Israel asara nzoni na azo ti sewa ti lo oko pepe.

Awafango-ngbanga 8:29

Yerubaal, so ti tene Gédéon, molenge ti Yoash akiri alango na da ti lo.

Awafango-ngbanga 6:31

Yoash akiri tënë na azo so kue aluti na tere ti lo: “Ala laa ayeke gbu koko ti Baal? Ala laa aye ti mu maboko na lo? Zo so agbu koko ti Baal, lo yeke kui kozo si ndo ahan. Tongana Baal ayeke nzapa, ayeke nzoni lo wani, lo gbu koko ti lo ndali ti gbalaka ti lo so a kungbi na sese so ma!”

Awafango-ngbanga 7:1

Na ndaperere, so ndo angba kâ, Gédéon so a iri nga lo Yerubaal alondo, lo na aturugu ti lo kue si ala gue, asara bâbâ ti ala nduru na li ti ngu ti Harod. Bâbâ ti aturugu ti Madian ayeke na mbage ti Banga, na lando ti More.

1 Samuel 3:20

Nilaa, ti londo na sese ti Dan ngbii asi na kodro ti Bersheba, azo ti Israel kue ahinga atene, Samuel aga fadeso wayanga-Nzapa awe.

2 Agbia 13:5

Tongaso KOTA GBIA atokua mbeni zo titene lo soo azo ti Israel. Nilaa azo ti Israel awara lege ti sigigi na gbe ti maboko ti azo ti Sirii si ala lingbi ti duti na siriri na ya ti ada ti ala tongana ti kozo.

1 Mbai 7:17

molenge ti Ulam ayeke Bedan. So ayeke ahale ti Galaad, molenge ti Makir, molenge ti Manase laa.