1 Samuel 1:9 - Mbeti ti Nzapa - Tënë so amu fini

⁹ So ala te si ala nyon na Silo awe, Anne alondo ague na yanga ti da ti Nzapa. Wayango-sandaga Heli ayeke duti na ndö ti mbata ti lo na yanga ti da ti KOTA GBIA.

1 Samuel 1:9 Referans Kwoze

1 Samuel 3:3

Lamba ti ya ti da ti Nzapa ade ti mingo pepe. Samuel ayeke lango na ya ti da ti KOTA GBIA, nduru na ndo so sanduku ti *mbuki ti Nzapa ayeke daa.

Abia (Psaumes) 27:4

Mbi hunda gi ye oko na KOTA GBIA, ye so be ti mbi aye mingi ayeke so: mbi ye ti duti na ya ti kota da ti lo, mbi ye ti duti kâ na lango ti fini ti mbi kue ti ngba ti baa pendere ti lo lakue. Kâ, mbi yeke ku titene lo kiri tënë na mbi.

Abia (Psaumes) 5:7

Mo yeke fâ azo ti tenengo mvene. KOTA GBIA, be ti mo ake azo ti fango zo na azo ti nzi.

2 Samuel 7:2

gbia atene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti Nzapa ayeke lango na gbe ti da ti bongo.”

1 Samuel 3:15

Samuel angba alango ngbii ndo ahan. Na pekoni, lo zi ayanga ti kota da ti KOTA GBIA. Mbeto asara lo ti tene na Heli peko ti ye so lo baa na ya ti mbeni ye tongana bango-li so.

Abia (Psaumes) 29:9

Go ti KOTA GBIA asara si atagba adu amolenge na ngangu; asara si akeke ti gbako atuku kue na sese. Na ya ti kota da ti lo, aye kue ayeke tene: “Gonda!”

Sigingo 21:6

fade wa ti lo ni ayeke gue na lo na dawa ti Nzapa; lo yeke zia lo nduru na yanga ti da wala na tere ti kadere ti nduzu ti yanga ti da si lo yeke koro mê ti ngbaa ni na mbeni kota sua. Tongaso ngbaa ni ayeke sara kua na lo kpu na kpu.

1 Samuel 1:10

Vundu ahon ndö ti Anne, lo yeke toto mingi si lo yeke sambela KOTA GBIA.

1 Samuel 4:13

Na ndembe so lo si, andaa Heli ayeke duti na ndö ti mbata ti lo na yanga ti lege; lo yeke ku, le ti lo angba gi na lege, be ti lo ayeke do ndali ti sanduku ti *mbuki ti Nzapa. Koli so aga si atene peko ti aye so asi na ya ti bira na ya ti gbata ni. So azo ti gbata ni ama tënë ni, ala kue ato nda ti dekongo.