1 Pierre 5:6 - Mbeti ti Nzapa - Tënë so amu fini

⁶ Ala sara tere ti ala kete na gbe ti Nzapa so ayeke na ngangu, tongaso si fade lo yeke zia ala na kota ndo tongana ngoi ni alingbi.

1 Pierre 5:6 Referans Kwoze

Jacques 4:10

Ala sara tere ti ala kete na gbe ti *Kota Gbia si fade lo yeke mu ala na nduzu.

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Matthieu 23:12

Zo so asara tere ti lo tongana kota zo, fade a yeke sara si lo ga kete zo. Zo so asara tere ti lo tongana kete zo, fade a yeke sara si lo ga kota zo.”

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Nzoni Tënë so Luc asu na mbeti 1:52

Lo mu agbia na ndö ti mbata ti ala si lo bi ala na sese, lo mu asenge zo, lo zia ala na kota ndo.

2 Mbai 32:26

Me ataa so Ezekias asara fade baba, lo na azo ti Jérusalem asara tere ti ala kete. Nilaa na ngoi so Ezekias ade na fini, ngonzo ti KOTA GBIA ati na ndö ti ala pepe.

2 Mbai 12:12

Ndali ti so Roboam asara tere ti lo kete, KOTA GBIA azia ti sara ngonzo na tere ti lo si a fâ azo ni kue kue kue pepe. Na ndö ni kue, ambeni nzoni ye ayeke na sese ti Juda.

2 Mbai 33:12

So lo yeke na ya ti pasi, lo voro tere ti lo na KOTA GBIA, Nzapa ti lo; lo sara tere ti lo kete mingi na gbe ti Nzapa ti akotara ti lo.

Ésaïe 40:4

Ndo so ayeke na popo-hoto, ayeke nzoni a tuku sese daa asi, a de na sese ahoto na akete hoto! Ayeke nzoni akete hoto aga kpangbara sese, ando so ayeke na nduzu aga popo-hoto.

Jérémie 44:10

Vundu ade agbu ala ndali ni pepe ngbii asi laso; zo oko akpe mbeto ti mbi pepe, zo oko abata lege ti aye so mbi fa na ala pepe; andia so mbi mu na ala nga na akotara ti ala, ala bata lege ni pepe.’ ”

Abia (Psaumes) 75:10

Ti mbi, fade mbi yeke ngba lakue ti he bia ti sepela na Nzapa ti Jacob si mbi yeke fa tënë ti lo, mbi tene:

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

2 Agbia 22:19

Tënë so mbi tene na ndö ti gbata so nga na ndö ti azo ti gbata ni apika be ti mo si mo sara tere ti mo kete na gbe ti KOTA GBIA. Fade gbata so ayeke ga ngonda si ayeke ga ye so a deba ni awe. Na mango tënë so mbi tene, mo suru bongo na tere ti mo si mo toto na dawa ti mbi. Mbi nga, mbi ma mo awe; so tënë ti yanga ti KOTA GBIA laa.

1 Agbia 21:29

“Mo baa lege so Akab asara tere ti lo kete na dawa ti mbi so? Ndali ti so lo sara tere ti lo kete na dawa ti mbi, fade mbi yeke tokua ye ti mawa na ndö ti azo ti sewa ti lo pepe, na ndembe so lo de na fini. Fade mbi yeke tokua ni na ndembe so molenge ti lo ayeke duti gbia.”

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Rome 5:6

Biani, na ndembe so lani e yeke na ngangu pepe, Christ akui ndali ti azo ti siokpari, gi na ngoi so Nzapa aye.

Daniel 5:22

Ti mo Baltazar, molenge ti lo, mo hinga aye so kue, me mo ke ti sara tere ti mo kete.

Jérémie 13:18

Tene na gbia nga na kota gbia-wali, mo tene: “Ala duti na sese! Biani, pendere kpoto ti ala ti gbia alondo na li ti ala ati awe.

Abia (Psaumes) 89:13

Banga na Mbongo, mo laa mo sara si abaa gigi; hoto ti Tabor na ti Hermon ayeke pika sako na iri ti mo.

2 Mbai 30:11

Me ambeni zo ti mara ti Aser, ti Manase na ti Zabulon asara tere ti ala kete si ala ga na Jérusalem.

2 Mbai 33:23

Me lo sara tere ti lo kete pepe na dawa ti KOTA GBIA tongana ti so babâ ti lo Manase asara. Ti Amon ni, lo kiri lo sara sioni mingi ahon ti babâ ti lo.

2 Mbai 36:12

Lo sara ye so ayeke sioni na le ti *KOTA GBIA, Nzapa ti lo. Lo sara tere ti lo kete pepe na dawa ti Jérémie, wayanga-Nzapa so ayeke tene tënë na iri ti KOTA GBIA.

1 Korente 10:22

Wala e ye ti sara ye tongaso titene Nzapa asara mbanda? Ala baa ti ala atene, e yeke na ngangu e hon lo?

Ezekiel 21:6

Tënë ti KOTA GBIA asi na mbi, atene:

Mbeti ti Job 36:22

Biani, Nzapa ayeke kota na lege ti ngangu ti lo. Zo wa laa alingbi ti fa ye tongana lo?

2 Mbai 33:19

Tënë ti sambela ti lo, lege so Nzapa azia ti sara ngonzo na tere ti lo, asiokpari ti lo nga na aye so lo sara ti ke Nzapa, a su tënë ni na ya ti mbeti ti Hozai. Na ya ti mbeti ni, a su nga iri ti ando so lo leke na ndö ti ahoto titene azo avoro anzapa nde daa, ando so lo leke akeke daa aluti na nduzu ndali ti nzapa-wali *Ashera nga na ayanda nde nde; lo sara aye ni so kozo titene lo sara tere ti lo kete.

Ndia ti fani use ni 32:35

mbi yeke kiri peko ti sioni na ala, mbi yeke kiri peko ti ye na ala alingbi na sarango ye ti ala na ndembe so gere ti ala ayeke *zene si ala ye ti ti. Biani, lango ti ye ti ngangu ni aga nduru awe, lango ti kuâ ti ala angba yongoro pepe.’

Awayango-sandaga 26:41

Tongaso, ala yeke hinga atene, mbi nga, mbi sara ngangu li na ala si mbi tokua ala na kodro ti awato ti ala. Mbeni lâ, tongana ala fâ be ti ala na *ganza si ala sara tere ti ala kete, ala yeda titene mbi pika ala ndali ti sioni ti ala,

Sigingo 32:11

Me Moïse avoro tere ti lo na KOTA GBIA, Nzapa ti lo, atene: “KOTA GBIA, azo ti mo so, na lege ti kota ngangu ti mo nga na lege ti ngangu ti maboko ti mo, mo sara si ala sigigi na kodro ti Ezipte so, ngbanga ti nyen si mo ye ti tuku ngonzo ti mo ti wâ na ndö ti ala?

Sigingo 3:19

Me mbi hinga so gbia ti Ezipte ayeke zia lege na ala pepe titene ala gue, gi tongana a gbu lo na ngangu si.

Jacques 5:10

A-ita, tongana ayeke tënë ti pasi na kangango be na ya ti pasi, ala mu gi tapande ti awayanga-Nzapa so atene tënë na iri ti Kota Gbia ando so.

Tite 1:3

So ngoi ni alingbi awe, Nzapa, Wasongo e afa tënë ti lo, lo mu na mbi tënë ni si mbi yeke fa ni na peko ti yanga so lo mu na mbi.

Ezekiel 17:21

Akpengba turugu ti lo kue ayeke kui ande na yanga ti bira, ala so ayeke ngba na fini ayeke kangbi na ndo kue. Tongaso, fade ala yeke hinga atene, mbi KOTA GBIA laa mbi tene tënë so.”

1 Timothée 2:6

lo so lo ka tere ti lo ti soo azo kue, nilaa tongana ngoi ni alingbi awe, lo sara tongaso ti fa atene, Nzapa aye ti soo azo kue na kuâ.

Jacques 4:7

Tongaso, ala ma yanga ti Nzapa, me ala do sese na Zabolo si fade lo yeke kpe yongoro na tere ti ala!