1 Pierre 5:1 - Mbeti ti Nzapa - Tënë so amu fini

¹ Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.

1 Pierre 5:1 Referans Kwoze

Nzoni Tënë so Luc asu na mbeti 24:48

Ti ala, ala yeke azo so abaa aye ni na le ti ala awe.

Aye so Nzapa afa 1:9

Mbi Jean, ita ti ala, mbi na ala kue, e yeke na ya ti ye ti ngangu. Na lege ti gango so e ga oko na Jésus, e yeke kanga be ti e na ya ti ye ti ngangu ni si mbi na ala, e yeke azo ti *Kodro-gbia ti Nzapa. A bi mbi na ya ti zoa ti Patmos ndali ti tënë ti Nzapa so mbi fa nga ndali ti taa-tënë so Jésus afa.

2 Jean 1:1

Mbi *kangba, mbi tokua mbeti so na kota Wali so Nzapa asoro lo so nga na amolenge ti lo so mbi ye ala na be ti mbi kue. Gi mbi oko laa mbi ye ala pepe, me azo so kue ahinga taa-tënë aye nga ala,

1 Pierre 5:4

Tongana Makonzi ti azo ti batango azo ti Nzapa asi, fade ala yeke wara nzoni ye ti peko ni so ayeke na gonda si pendere ni ayeke hon oko pepe.

1 Jean 3:2

A-ita ti mbi so mbi ye ala mingi, fadeso e yeke amolenge ti Nzapa, me dutingo ti e ti gbanda angba na hondengo ni. Me e hinga, e tene, tongana Christ asi ande, e yeke ga tongana lo, ngbanga ti so e yeke baa taa lo wani.

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

Awatokua 14:23

Paul na Barnabas asoro *akangba si azia ala na li ti *a-Eglize ni oko oko kue. Na peko ti so ala ke kobe si ala sambela, ala zia akangba ni na maboko ti *Kota Gbia, lo so ala ma na be na lo.

Awatokua 11:30

Ala bongbi aye ni si ala tokua ni na *akangba ti Judée, na maboko ti Barnabas na Saul.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

Philémon 1:9

Mbi ye fade ti mu yanga na mo pepe, me ndali ti so mbi na mo, e ye tere, mbi ye mingi ti hunda mbeni ye na mo. Mbi Paul, mbakoro zo, mbi yeke fadeso na da ti kanga ndali ti Jésus Christ.

Tite 1:5

Mbi zia mo na zoa ti Krete titene mo leke tanga ti gere ti kua ni si mo zia nga *akangba na ndö ti a-Eglize so ayeke na ya ti agbata ni oko oko kue. Ayeke nzoni mo sara aye ni tongana ti so mbi fa na mo.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

1 Timothée 5:19

Tongana mbeni zo abi tënë na li ti mbeni kangba, mo ke tënë ni; me tongana mo kiri mo ma tënë ni na yanga ti azo use wala ota si mo yeda.

1 Timothée 5:1

Mo suku ngangu na mbakoro-koli pepe, me mo mu wango na lo tongana ti so mo yeke mu wango na babâ ti mo, mo mu wango na amaseka-koli tongana a-ita ti mo ti koli;

Filipe 1:19

Biani, mbi hinga: fade ye so kue ayeke sara titene mbi soo kuâ ndali ti sambela ti ala nga ndali ti maboko so Yingo ti Jésus Christ ayeke mu na mbi.

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

Awatokua 21:18

Na ndade ni, Paul ague na e na ndo ti Jacques. *Akangba ti *Eglize kue abongbi kâ.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Awatokua 20:17

Na Mile, Paul atokua na Efeze ti iri *akangba ti *Eglize ni ti ga.

Awatokua 15:6

Awatokua na akangba abongbi ti gbu li ti ala na ndö ti tënë so.

Awatokua 15:4

So ala si na Jérusalem, azo ti Eglize, awatokua na akangba ayamba ala. Paul na Barnabas afa na ala peko ti aye so kue Nzapa asara na lege ti ala.

Awatokua 2:32

“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e.

Awatokua 1:22

ti londo na lango ti bateme ti Jean ngbii asi na lango so a mu Jésus na popo ti e, a gue na lo na yayu. Tongaso, ayeke nzoni mbeni oko na popo ti ala abongbi na e ti ga zo ti fango na azo tënë ti zingongo ti Jésus na kuâ.”

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

2 Korente 5:8

Be ti e awoko oko pepe, e ye mingi ti zia tere so e yeke na ni so ti gue ti duti na tere ti Kota Gbia.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.

1 Pierre 4:13

Me ala duti na ngia tongana ala yeke baa pasi tongana ti so Christ abaa ando so. Tongaso, na ngoi so azo ayeke baa ande gonda ti lo, ala nga, be ti ala ayeke si singo na ngia.

3 Jean 1:1

Mbi *kangba, mbi tokua mbeti so na Gaius so mbi ye lo mingi, mbi ye lo na be ti mbi kue.