1 Pierre 3:20 - Mbeti ti Nzapa - Tënë so amu fini

²⁰ so ti tene lo gue, lo fa tënë na ayingo ti azo so ake ando yanga ti Nzapa na ngoi so Noe aleke mangboko. Na ndembe so Nzapa akanga be ti lo ti ku titene ala kiri na be ti ala na lo, gi azo miombe senge laa ali na ya ti mangboko si na lege ti ngu, Nzapa asoo ala.

1 Pierre 3:20 Referans Kwoze

2 Pierre 2:5

Nzapa azia nga ando dunia ti kozoni senge tongaso pepe. Ndali ti sioni sarango ye ti azo ti dunia ni, lo sara si kota ngu apika, asuku amu ndo kue; lo bata gi Noe, zo ti fango lege ti mbirimbiri na azo, lo na ambeni zo mbarambara.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Tongo nda ti aye 6:3

Tongaso KOTA GBIA atene na be ti lo: “Pupu ti mbi ayeke ngba lakue na ya ti zo pepe, ngbanga ti so lo yeke gi zo senge. Fade lo yeke duti na gigi gi ngu ngbangbo oko na baleuse.”

Tongo nda ti aye 6:5

KOTA GBIA abaa so sioni ti zo ahon ndoni na ndö ti sese. Ti londo na ndaperere ngbii asi na lakui, be ti lo aye gi ti sara sioni.

Tongo nda ti aye 8:18

Noe asigigi, lo na amolenge ti lo, wali ti lo, na awali ti amolenge ti lo.

Tongo nda ti aye 6:13

Nzapa atene na Noe: “Ti mbi, ngoi titene mbi hunzi azo ti sese kue alingbi awe. Ndali ti ala, sarango ngangu na azo asi singo na ndö ti sese. Mbi yeke hunzi azo ni kue si mbi yeke buba nga sese ni kue.

Matthieu 7:14

Yanga ti da so zo alingbi ti li daa si lo ngba na fini ayeke kete, lege ni ayeke kete; azo ti warango lege ni so ayeke mingi pepe.”

Tongo nda ti aye 7:13

Gi na lango ni so, Noe ali na ya ti mangboko ni, lo na amolenge ti lo Sem, Kam na Yafet, wali ti lo, na awali ti amolenge ti lo ota kue,

2 Pierre 3:15

Ala hinga atene, tongana Kota Gbia angba ti kanga be ti lo ti ku ngbii, andaa lo yeke zia na ala ngoi titene ala soo kuâ. Ita ti e Paul so e ye lo mingi, asu nga na ala tënë so na mbeti na lege ti ndara so Nzapa amu na lo.

Rome 9:22

Nzapa aye ti fa ngonzo ti lo na azo si lo ye ti sara si ala hinga ngangu ti lo. Andaa azo so lo sara ngonzo na tere ti ala si ala yeke nduru titene lo fâ ngbanga ti kuâ na li ti ala, lo kanga be ti lo mingi na ala,

Nzoni Tënë so Luc asu na mbeti 12:32

“Ala azo so ayeke tongana bongbi ti akete taba, ala sara mbeto pepe, ngbanga ti so a nzere na Babâ ti ala ti mu Kodro-gbia ni na ala!

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Tongo nda ti aye 8:1

Nzapa adabe ti lo na Noe, na anyama kue ti ngonda, na ala ti kodro so kue ayeke na tere ti lo na ya ti mangboko ni. Nzapa asara si mbeni pupu alondo, aya na ndö ti sese si ngu ni ato nda ti kiri.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Tongo nda ti aye 6:8

Me ti Noe, be ti Nzapa anzere mingi na lo.

Awatokua 2:41

Azo so ayeda na tënë ti Pierre, ala wara bateme. Na lango ni so, azo nduru na saki ota ama na be si ala li na ya ti bongbi ti azo ti Jésus.

1 Pierre 1:9

Ala yeke na ngia ni so, ngbanga ti so a soo ala awe. Ye so ala yeke wara ndali ti mabe ti ala laa.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Pierre 2:25

Ala yeke ando tongana ataba so agirisa lege, me fadeso ala kiri na tere ti Christ so ayeke zo ti fango lege na ala si lo yeke nga zo ti batango fini ti ala.

1 Pierre 3:19

Na lege ti Yingo so laa Christ ague, afa Nzoni Tënë na ayingo so ayeke na kanga,

1 Pierre 4:19

Tongaso, azo so ayeke baa pasi tongana ti so Nzapa aye, alingbi ala ngba lakue ti sara nzoni ye, ala mu tere ti ala kue na Nzapa, lo so lo sara ye kue si lo yeke sara ye alingbi na peko ti tënë ti yanga ti lo.