1 Pierre 3:15 - Mbeti ti Nzapa - Tënë so amu fini

¹⁵ Na be ti ala, ala ne Christ, *Kota Gbia ti ala. Ala duti lakue nduru ti kiri tënë na azo so ayeke hunda na ala tënë na ndö ti ye so ala zia be ti ala ti ku.

1 Pierre 3:15 Referans Kwoze

Kolose 4:6

Ayeke nzoni atënë ti yanga ti ala anzere nzerengo, asara nzoni na zo; ala hinga ti kiri tënë na zo na legeni.

1 Pierre 3:2

akoli ni ayeke baa gi sarango ye ti ala so ayeke *nzoni nga na nengo so ala, awali ni ayeke ne tere ti ala.

1 Samuel 12:7

Fadeso, ala luti na le ti ngbanga na dawa ti KOTA GBIA. Mbi yeke dabe ti ala na anzoni ye so lo sara ndali ti ala nga ndali ti akotara ti ala.

Tite 1:2

tongaso si ala zia be ti ala ti ku fini so angba lakue lakue. Nzapa ayeke tene mvene pepe; kozo si dunia abaa gigi, Nzapa amu zendo ti mu na ala fini ni so.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

Ahebro 6:1

Tongaso, alingbi e zia lege ti akozo tënë so e manda ando na ndö ti Christ, e hon fadeso ti manda akpengba tënë so alingbi na akangba, e kiri na ndö ti akozo kota tënë ni pepe. Akozo tënë ni ayeke so: tënë ti ziango ngbene lege ti sarango abuba ye, tënë ti mango na be na Nzapa,

Abia (Psaumes) 119:46

Na dawa ti agbia, mbi yeke tene tënë ti aye so mo hunda; kamene ayeke sara mbi pepe.

Kolose 1:5

Na ndembe so taa-tënë so ayeke Nzoni Tënë asi kozoni na popo ti ala, na ya ti tënë ni, ala ma tënë ti ye so ala zia be ti ala ti ku na yayu. Ye so ala zia be ti ala ti ku asara si ala zia be ti ala na ndö ti Jésus Christ si ala ye azo ti Nzapa.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

1 Pierre 3:4

Me ala gi ti ga pendere na be ti ala. Aye ti pendere ni ayeke be so aduti kpoo, aduti na siriri si ane mingi na le ti Nzapa; aye ti pendere so laa ayeke buba pepe.

Ésaïe 41:21

*KOTA GBIA, Gbia ti Jacob atene: “Ala anzapa ti amara nde, ala ga afa nda ti tënë ti ala! Ala fa ye so ala sara awe, e baa!

Ésaïe 1:18

*KOTA GBIA atene: “Ala ga, e leke tënë. Tongana siokpari ti ala abe tongana mene, fade ayeke kiri ti vuru tongana tukia. Tongana siokpari ti ala abe tongana ngu ti karakanzi, fade ayeke kiri ti vuru tarara.

Ésaïe 29:23

Biani, tongana ala na amolenge ti ala ayeke baa ande ye so mbi yeke sara na popo ti ala, fade ala yeke hinga atene mbi, mbi yeke taa Nzapa, Nzapa ti Jacob so ayeke nde si ayeke nzoni kue; ala yeke do na mbeto na dawa ti mbi, Nzapa ti Israel.

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.

Ésaïe 5:16

KOTA GBIA so ayeke na ndö ti dunia kue, a yeke ya iri ti lo na lege ti fango ngbanga ti lo; Nzapa so ayeke nde si ayeke nzoni kue, lo yeke fa so lo yeke nde si lo yeke nzoni kue na lege ti mbirimbiri ti lo.

Awatokua 24:25

Me so Paul ayeke tene tënë na ndö ti lege ti sarango ye ti mbirimbiri, ti kangango nzara ti tere nga na ndö ti fango ngbanga so ayeke ga gbanda, mbeto agbu Félix si lo kai Paul, lo tene: “Ti laso alingbi awe! Tongana mbi wara ngoi, fade mbi yeke kiri ti iri mo.”

Awatokua 21:39

Paul akiri tënë, atene: “Mbi yeke zuife, a du mbi na Tarse, na sese ti Silisii. Mbi yeke zo ti mbeni kota gbata. Mbi gbu gere ti mo, mu na mbi lege ti tene tënë na azo ni.”

Wungo ti azo 20:12

Me KOTA GBIA atene na Moïse na Aaron: “Na sarango ye tongaso, ala zia be ti ala na ndö ti mbi KOTA GBIA pepe, ala fa na azo ti Israel pepe so mbi yeke nde si mbi yeke nzoni kue. Ndali ni, ala yeke gue na bongbi ti azo ni pepe na kodro so mbi mu na ala.”

Wungo ti azo 27:14

Biani, na ya ti benyama ti Zin, ala ke yanga ti mbi na ndembe so bongbi ti azo ti Israel ayeke gi yanga ti mbi. Na ngoi so azo ti Israel ahunda ngu ti nyongo ni, ala ke ti fa na azo ni so mbi yeke nde si mbi yeke nzoni kue.” KOTA GBIA atene tongaso ndali ti ye so asi na ngu ti Meriba, na Kades, na ya ti benyama ti Zin.

Amato 15:28

Zo ti mbirimbiri ayeke gbu li ti lo kozoni si lo kiri tënë; me zo ti sioni ayeke de na gigi asioni tënë.

Amato 22:21

Fade aye ni ayeke sara titene mo hinga ye so ayeke mbirimbiri na ye so ayeke taa-tënë; tongaso si mo lingbi ti kiri ti fa peko ti tënë na legeni na zo so atokua fade mo.

Ésaïe 8:12

“Ye so kue azo so ayeke iri ni ‘mango tere ti kinda gbia’, ala iri ni tongaso pepe; ye so azo ni ayeke sara mbeto ni, ala sara mbeto ni pepe, ala duti na mbeto ni pepe.