1 Pierre 3:14 - Mbeti ti Nzapa - Tënë so amu fini

¹⁴ Gi so oko pepe, me ti ala nzoni, tongana ala baa pasi ndali ti ye ti mbirimbiri so ala sara! Ala sara mbeto ti azo so pepe, be ti ala agi ala pepe!

1 Pierre 3:14 Referans Kwoze

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

2 Korente 12:10

Ndani laa mbi yeke duti na ngia na ndembe so mbi yeke na ngangu pepe, nga na ndembe so azo ayeke zonga mbi, wala aye ayeke gi mbi mbage na mbage, wala azo ayeke sara ngangu na mbi, wala mbi yeke na kpale mingi ndali ti Christ. Biani, na ndembe so mbi yeke na ngangu pepe, na ndembe so laa mbi yeke na ngangu.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Jean 14:1

Jésus atene na ala: “Ala gi be ti ala pepe; ala ma na be na Nzapa, ala ma na be na mbi nga.

Marc 10:29

Jésus atene na lo: “Mbi tene na ala taa-tënë: zo so azia da ti lo, a-ita ti lo ti koli na ti wali, mama ti lo, babâ ti lo, amolenge ti lo wala ayaka ti lo ndali ti mbi nga ndali ti Nzoni Tënë,

Marc 8:35

Biani, zo so aye ti soo fini ti lo, fade lo yeke girisa ni; me zo so ayeke girisa fini ti lo ndali ti mbi nga ndali ti Nzoni Tënë, fade lo yeke soo ni.

Matthieu 19:29

Zo so kue azia ada ti lo, a-ita ti lo ti koli, a-ita ti lo ti wali, babâ ti lo, mama ti lo, amolenge ti lo na ayaka ti lo ndali ti mbi, fade lo yeke wara aye so fani ngbangbo oko ahon aye so lo zia si lo yeke wara fini so angba lakue lakue.

Matthieu 16:25

Biani, zo so aye ti soo fini ti lo, fade lo yeke girisa ni; me zo so ayeke girisa fini ti lo ndali ti mbi, fade lo yeke kiri ti wara ni.

1 Pierre 3:6

Mbeni tapande ni ayeke ti Sara so ama yanga ti Abraham si lo iri Abraham, atene: “Gbia ti mbi”. Ala awali ti laso, tongana ala sara nzoni ye si mbeto ti mbeni ye asara nga ala pepe, ala ga amolenge ti Sara awe.

Matthieu 10:39

Zo so aye ti bata fini ti lo, fade lo yeke girisa ni; me zo so agirisa fini ti lo ndali ti mbi, fade lo yeke kiri ti wara ni.”

Jérémie 15:15

Mo KOTA GBIA, mo hinga ye kue! Dabe ti mo na mbi maa! Baa lege ti mbi maa! Mo kiri na azo ti sarango ngangu na mbi, peko ti sioni so ala sara na mbi! Ayeke nzoni mo kanga be ti ku ala kungo pepe, tongaso pepe, mbi yeke baa pasi. Ayeke nzoni mo hinga, mo tene, ndali ti mo laa mbi yeke kanga be na azonga ti azo ni so.

Jérémie 1:8

Sara mbeto ti ala pepe, ngbanga ti so mbi yeke na mo; fade mbi yeke zi mo na maboko ti ala.” So tënë ti yanga ti KOTA GBIA laa.

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Filipe 1:29

Nzapa asara nzoni be na ala gi titene ala ma na be na Christ pepe, me ti baa nga pasi ndali ti lo.

Matthieu 10:31

Tongaso, ala sara mbeto pepe: ala hon akete ndeke so mingi!”

Awatokua 9:16

Mbi wani laa mbi yeke fa na lo pasi so lo yeke baa ande ndali ti iri ti mbi.”

Ezekiel 3:9

Mbi yeke sara si li ti mo akpengba tongana diaman, akpengba ahon têne. Mo sara mbeto ti ala pepe, tere ti mo ado na le ti ala nga pepe. Biani, ala yeke azo ti mara ti ngangu li.”

Amato 3:25

Ye ti mbeto so ayeke si gburrr wala azo ti sioni so ayeke tuku na ndö ti mo, fade mo yeke sara mbeto ti ala pepe.

Jacques 5:11

Ala baa, azo so akanga be ti ala na ya ti aye ti pasi so, e tene: ti ala nzoni! Ala ma tënë ti kangango be ti Job awe, ala baa ye so Kota Gbia amu na lo na pekoni, ngbanga ti so Kota Gbia ayeke na nzoni be mingi si lo yeke baa mawa ti azo.