1 Pierre 3:11 - Mbeti ti Nzapa - Tënë so amu fini

¹¹ lo zia ti sara sioni ye si lo sara nzoni ye; lo gi lege ti siriri, lo ngba daa.

1 Pierre 3:11 Referans Kwoze

Matthieu 5:9

Ti ala nzoni, ala so asara si siriri aduti na popo ti azo, ngbanga ti so Nzapa ayeke iri ande ala atene, ala yeke amolenge ti ni!

Abia (Psaumes) 34:14

Alingbi mo bata yanga ti mo na sioni tënë, mo bata yanga ti mo na atënë ti mvene.

Ahebro 12:14

Ala gi lege ngangu ti duti na siriri na azo kue, ala gi nga lege ngangu titene fini ti ala aduti nde si aduti nzoni kue. Tongaso pepe, fade zo oko alingbi ti baa *Kota Gbia pepe.

Rome 14:19

Tongaso, alingbi e gi ye so ayeke ga na siriri si e oko oko kue, e kpengba na lege ti mabe.

Kolose 3:15

Ayeke nzoni siriri so alondo na Christ afa lege na ala na ya ti atënë ti be ti ala! Ndali ti siriri so laa Nzapa airi ala kue ti ga tere oko. Ala mu singila na Nzapa.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 12:18

Tongana lege ayeke daa, tongana ala lingbi ti sara mbeni ye, ala duti na siriri na azo kue.

3 Jean 1:11

Ita ti mbi so mbi ye mo mingi, mo mu peko ti sioni ye pepe, me mo mu peko ti nzoni ye. Zo so asara nzoni ye, andaa lo yeke zo ti Nzapa; zo so asara sioni ye, andaa lo hinga Nzapa pepe.

Jacques 4:17

Tongaso, zo so ahinga ti sara nzoni ye si lo sara ni pepe, andaa lo sara siokpari awe.

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

1 Timothée 6:18

Ayeke nzoni azo ti mosoro asara nzoni ye, ala ga azo ti mosoro na lege ti sarango anzoni ye, ala mu ye na azo, ala kanga maboko ti ala daa pepe, ala kangbi aye ti ala na amba ti ala.

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Rome 8:6

Asioni nzara ti be ti zo ayeke gue na lo na kuâ; me zo so be ti lo ayeke gi na ndö ti ye so Yingo aye, fade lo yeke duti na fini nga na siriri.

Rome 7:21

Tongaso, mbi baa so mbeni ndia ayeke daa: tongana mbi ye ti sara ye ti nzoni, sioni ye laa ayeke ku mbi kungo titene mbi sara ni.

Rome 5:1

So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Jean 17:15

Mbi hunda na mo pepe ti zi ala na dunia so, me ti bata ala si Sioni wato asara sioni na ala pepe.

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Abia (Psaumes) 37:27

Mo kpe lege ti sioni, mo sara nzoni ye, fade mo yeke ngba na ya ti kodro ni lakue.

Rome 7:19

Biani, ye ti nzoni so mbi ye, mbi yeke sara ni pepe, me ye ti sioni so mbi ye pepe, ni laa mbi yeke sara ni.

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Nzoni Tënë so Luc asu na mbeti 6:9

Na pekoni, Jésus ahunda ala, atene: “Mbi hunda ala: *Ndia ti e afa nyen? A fa na e ti sara nzoni wala sioni, ti soo zo na kuâ wala ti fâ zo na lango ti wungo tere?”

Nzoni Tënë so Luc asu na mbeti 1:79

Fade lâ ni ayeke su na ndö ti azo so aduti na ya ti vukongo ndo ti kuâ, ti fa na e lege ti siriri si e tambula daa.”

Marc 14:7

Azo ti mawa ayeke duti lakue na popo ti ala. Ala lingbi ti sara nzoni na ala na ya ti alango so kue be ti ala aye. Ti mbi, mbi yeke duti lakue na popo ti ala pepe.

Amato 16:17

Azo so sarango ye ti ala ayeke na legeni, ala yeke kpe lege ti sioni ye; zo so aye ti bata fini ti lo, lo yeke sara hange na lege ti dutingo ti lo.

Amato 16:6

Zo so asara nzoni be na amba ti lo si azo alingbi ti zia be ti ala na ndö ti lo, a yeke zi sioni ti lo. Kpengo mbeto ti KOTA GBIA asara si zo akpe lege ti sioni ye.

Amato 3:7

Mo baa tere ti mo wani tongana zo ti ndara pepe, me mo kpe mbeto ti KOTA GBIA; mo zia lege ti sioni ye.

Abia (Psaumes) 125:4

KOTA GBIA, sara nzoni na azo ti nzoni, nga na azo so be ti ala ayeke mbirimbiri.

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Mbeti ti Job 2:3

KOTA GBIA ahunda lo, atene: “Mo baa dutingo ti Job, zo ti kua ti mbi awe? Na ndö ti sese so, mbeni zo ti lingbi na lo ayeke daa pepe. Koli so ayeke sara ye na legeni, tënë ayeke na li ti lo pepe; lo yeke kpe mbeto ti Nzapa si lo yeke kpe lege ti sarango sioni. Lo ngba ti sara ye na legeni; mo pusu mbi lani titene mbi buba lo senge senge.”

Mbeti ti Job 1:1

Ando, na kodro ti Us, mbeni koli ayeke daa, iri ti lo Job. Koli so ayeke sara ye na legeni, mbeni tënë ayeke na li ti lo pepe. Lo yeke kpe mbeto ti Nzapa si lo yeke kpe lege ti sarango sioni.

1 Pierre 3:12

Biani, le ti *Kota Gbia ayeke na ndö ti azo ti mbirimbiri, mê ti lo ayeke ma sambela ti ala; me ti azo so ayeke sara ye ti sioni, Kota Gbia ayeke londo ti ke ala.”

Awafango-ngbanga 11:14

Yefte akiri atokua azo na gbia ti Amon