1 Pierre 2:7 - Mbeti ti Nzapa - Tënë so amu fini

⁷ Ti ala, a-ita so ama na be, têne ni ane na le ti ala; me ti azo so ake ti ma na be, “têne so azo ti sarango da ake ni, ni laa akiri aga ngangu têne ti gere ti da ni.”

1 Pierre 2:7 Referans Kwoze

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.

Ahebro 11:31

Na lege ti mabe, Rahab, wali-ndumba, ayamba na ndo ti lo na nzoni be azo ti *bembengo ndo, nilaa na ngoi so azo ti Israel aga ti fâ azo so ake Nzapa, lo kui pepe.

Ahebro 4:11

Ndani laa, ayeke nzoni e sara ngangu ti li na ndo ti wungo tere so, tongaso si fade mbeni zo oko na popo ti e ati pepe na mungo tapande ti azo so asara ngangu li.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Kolose 2:10

Na lege ti Christ so ayeke na li ti ayingo so kue ayeke na komandema, ala wara fini so ye oko atia na ya ni pepe.

2 Korente 2:16

Ti azo so ayeke girisa, fion ti yombo ni ayeke fion ti kuâ so ayeke sara titene zo akui. Ti azo so ayeke soo kuâ, fion ni ayeke fion ti fini so ayeke mu fini na zo. Me zo wa laa alingbi ti sara mara ti kua so?

Rome 15:31

Ala sambela si azuife so ayeke na Judée so ake tënë ti Nzapa asara sioni na mbi pepe. Ala sambela nga si ye so mbi yeke gue na ni na Jérusalem, azo ti Nzapa so ayeke kâ alingbi ti yamba ni na ngia.

Rome 10:21

Me na ndö ti tënë ti azo ti Israel, Nzapa atene: “Lakue, ti londo na ndaperere ngbii asi na lakui, mbi yeke gi lege ti sara songo na azo, andaa azo ni ayeke azo ti kengo yanga, ala yeke nga azo ti ngangu li.”

Awatokua 26:19

“Ndani laa, gbia Agripa, ye so alondo na yayu si asi na mbi na ya ti mbeni ye tongana bango-li so, mbi ke ti sara ye ti peko ni pepe.

Jean 4:42

Azo ni atene na wali ni: “Gi ndali ti tënë so mo tene laa e ma na be pepe, me e wani, e ma lo. E hinga biani so lo yeke taa Wasongo azo ti dunia so.”

Nzoni Tënë so Luc asu na mbeti 20:17

Me Jésus abaa le ti ala si lo tene na ala: “Nda ti tënë so a su na ya ti Mbeti ti Nzapa so atene nyen? Tënë so atene: ‘Têne so azo ti sarango da ake ni, ni laa akiri aga ngangu têne ti gere ti da ni.’

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”

Zakarii 4:7

Ange ni akiri atene: “Kota hoto, mo yeke nyen? Na dawa ti Zorobabel, mo ga kpangbara ndo. Na ndo so laa lo yeke sigigi na kozo têne ti gere ti da ni. Fade azo ayeke dekongo, atene: ‘So pendere têne! So pendere têne!’ ”

Aggée 2:7

Fade mbi yeke yingi amara kue si apendere ye ti ala ayeke ga ge gbani gbani. Fade mbi yeke sara titene gonda asi singo na ya ti kota da so; tënë so KOTA GBIA atene laa.

Ésaïe 28:5

Na lango ni so, fade KOTA GBIA so ayeke na ndö ti dunia kue, lo wani, lo yeke ga tongana kpoto ti gbia so ayeke za zango, lo yeke ga tongana anzoni ye ti pendere ndali ti azo ti lo so angba na fini.

Nzoni Tënë so Luc asu na mbeti 2:34

Siméon asara tufa na ndö ti ala si lo tene na Marie, mama ti molenge ni, lo tene: “Baa, ndali ti Molenge so, fade azo ti Israel mingi ayeke ti si ambeni mingi ayeke londo. Molenge so ayeke ga mbeni ye ti kite;

1 Pierre 2:4

Ala ga nduru na *Kota Gbia, lo so lo yeke têne so ayeke na fini; têne so azo ake ni, me Nzapa asoro ni si lo baa ni ayeke nzoni na le ti lo.