1 Pierre 2:23 - Mbeti ti Nzapa - Tënë so amu fini

²³ Azo azonga lo, me lo kiri na zonga ni pepe; azo asara pasi na lo, me lo be le na ala pepe, lo zia be ti lo kue na ndö ti Nzapa so ayeke fâ ngbanga na legeni.

1 Pierre 2:23 Referans Kwoze

Ésaïe 53:7

Azo asara ngangu na lo, lo sara tere ti lo kete, lo zi yanga oko pepe. Lo yeke tongana kete taba so a yeke gue na lo na ndo ti fango anyama; lo yeke tongana taba so ayeke buburu na dawa ti azo ti fango kua ti tere ti lo, lo zi yanga oko pepe.

1 Pierre 4:19

Tongaso, azo so ayeke baa pasi tongana ti so Nzapa aye, alingbi ala ngba lakue ti sara nzoni ye, ala mu tere ti ala kue na Nzapa, lo so lo sara ye kue si lo yeke sara ye alingbi na peko ti tënë ti yanga ti lo.

Ahebro 12:3

Ala dabe ti ala na Jésus, na pasi so lo baa na maboko ti azo ti siokpari so ake lo, tongaso si be ti ala awoko pepe si ala zia lege ni pepe.

Abia (Psaumes) 37:5

Zia gigi ti mo na maboko ti KOTA GBIA, zia be ti mo na ndö ti lo, fade lo yeke sara na mo.

Awatokua 4:29

Fadeso, Kota Gbia, mo ma atënë so ala tene ti zia mbeto na be ti e. Mo mu na e ngangu ti fa tënë ti mo na mbeto pepe.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

Nzoni Tënë so Luc asu na mbeti 23:46

Jésus adekongo ngangu, atene: “Babâ, mbi zia yingo ti mbi na maboko ti mo.” Na peko ti tënë so, Jésus akui.

Abia (Psaumes) 31:5

Fade mo yeke sara si mbi sigigi na ya ti gbanda so azo aleke ti gbu na mbi. Biani, mo laa mo yeke ngangu gbagba ti mbi.

Abia (Psaumes) 10:14

KOTA GBIA, mo baa ye kue: mo yeke baa azo so ayeke baa pasi na azo ti mawa; mo ye ti mu tënë ti ala na maboko ti mo. Zo so ayeke na ngangu pepe, lo zia be ti lo kue na ndö ti mo; mo laa mo yeke mu maboko na nyindu.

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

2 Tesalonike 1:5

Ye so kue afa atene, fango ngbanga ti Nzapa ayeke mbirimbiri. Biani, ye ni ayeke sara titene ala lingbi na *Kodro-gbia ti Nzapa so ala yeke baa pasi ndali ni.

Efeze 6:9

Ala awa ti angbaa, ala sara nga tongaso na angbaa ti ala; ala zia ti suku na ala. Ayeke nzoni ala hinga atene, ala na angbaa ti ala kue, ala yeke amolenge ti Kota Gbia so ayeke na yayu; lo yeke mu mbage ti mbeni zo pepe.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Awatokua 9:1

Nzara ti sarango sioni na adisiple ti *Kota Gbia angba lakue na be ti Saul si lo yeke gi lege ti fâ ala. Tongaso, lo gue, lo baa kota wayango-sandaga,

Nzoni Tënë so Luc asu na mbeti 23:9

Lo hunda Jésus na atënë mingi mingi, me Jésus akiri tënë oko pepe.

Abia (Psaumes) 96:13

na dawa ti KOTA GBIA! Biani, lo yeke ga, lo yeke ga ti fâ ngbanga ti azo ti sese; lo yeke fâ ngbanga ti azo ti dunia so mbirimbiri, lo yeke fâ ngbanga ti azo na lege ti taa-tënë.

Abia (Psaumes) 7:11

*Vala ti batango mbi ayeke na Nzapa; lo yeke wasongo azo ti vurungo be.

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

Awatokua 7:59

So ala yeke bo Étienne na têne, lo sambela, lo tene: “*Kota Gbia Jésus, mu yingo ti mbi!”

Nzoni Tënë so Luc asu na mbeti 23:41

Ti e, ye ni ayeke na legeni, ngbanga ti so e yeke wara gi aye ti peko ti ye so e sara; me ti lo, lo sara mbeni ye ti sioni oko pepe.”