1 Pierre 2:15 - Mbeti ti Nzapa - Tënë so amu fini

¹⁵ Biani, ye so Nzapa aye ayeke titene ala sara nzoni ye si ala lingbi ti kanga yanga ti abuba zo so ahinga ye pepe so.

1 Pierre 2:15 Referans Kwoze

1 Pierre 3:17

Tongana Nzapa aye titene ala baa pasi ndali ti sarango nzoni ye, so laa ayeke nzoni ahon titene ala baa pasi ndali ti sarango sioni ye.

Tite 2:8

Mo tene gi tënë so ayeke na legeni si zo alingbi ti kasa ni pepe, tongaso si wato agi tënë ti bi na li ti e gbaa si kamene agbu lo.

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

Matthieu 7:26

Me zo so kue ama atënë so mbi tene si asara ye alingbi na ni pepe, lo yeke tongana buba koli so asara da ti lo na ndö ti mbutu.

1 Tesalonike 5:18

ala mu singila na Nzapa na ya ti aye kue. Ye so Nzapa aye titene ala so aga oko na Jésus Christ asara laa.

1 Tesalonike 4:3

Ye so be ti Nzapa aye, ayeke titene ala ga azo so ayeke nde si ayeke nzoni kue, ala zia lege ti gingo wali wala gingo koli kirikiri.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

2 Pierre 2:12

Me sarango ye ti azo so ayeke tongana ti anyama so ahinga ndo pepe; anyama so a du ala gi titene azo agbu ala si afâ ala. Azo ni ayeke zonga ye so ala hinga nda ni pepe; fade ala yeke kui tongana anyama so.

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

Amato 9:6

Ala zia lege ti azo so le ti ala ahan pepe so si fade ala duti na fini! Ala mu lege so ala lingbi ti wara hingango ye daa!”

Mbeti ti Job 2:10

Me Job akiri tënë na lo: “Mo yeke tene tënë tongana wali so li ti lo ayeke daa pepe. Tongana e wara nzoni ye na maboko ti Nzapa, e yeda; me tongana e wara sioni ye, e yeda pepe, ngbanga ti nyen?” Na ya ti aye so kue, Job asara siokpari na lege ti tënë ti yanga ti lo pepe.

Jude 1:10

Me ti azo ni so, ala yeke zonga aye so ala hinga nda ni pepe. Ataa aye so ala hinga, ala hinga ni tongana anyama so ayeke na ndara pepe si aye ni ayeke buba fini ti ala.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

Abia (Psaumes) 107:42

Azo ti mbirimbiri abaa aye ni so si ala yeke na ngia, azo ti sioni kue ayeke kanga yanga ti ala.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Galasii 3:1

Ala azo ti Galasii, so buba ti nyen? Zo wa laa aturne li ti ala, zo wa? Andaa, a fa na ala polele tënë ti kuâ ti Christ na ndö ti keke ti kroa!

Matthieu 25:2

Na popo ti ala, ambeni oku ayeke azo ti buba si ambeni oku ayeke azo ti ndara.

Abia (Psaumes) 5:5

Mo yeke Nzapa so sioni ye anzere na mo pepe; ndo ti azo ti sioni ayeke na tere ti mo kâ pepe.

Mbeti ti Job 5:16

Fadeso, zo so ayeke na ngangu pepe, lo lingbi ti zia be ti lo ti ku ye ti nzoni; zo so ayeke sara sioni, yanga ti lo akanga.

Ndia ti fani use ni 32:6

Ala azo so li ti ala ayeke daa pepe so, ala azo so ndara atia ala so, so lege ti sarango ye na KOTA GBIA laa? Lo laa lo yeke babâ ti ala pepe? Ndali ti lo laa ala baa gigi pepe? Lo laa lo sara ala pepe? Ndali ti lo laa ala kpengba so pepe?

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.