1 Pierre 1:25 - Mbeti ti Nzapa - Tënë so amu fini

²⁵ me tënë ti *Kota Gbia ayeke ngba kpu na kpu.” Tënë ni ayeke Nzoni Tënë so a fa ni na ala ando.

1 Pierre 1:25 Referans Kwoze

Ésaïe 40:8

Pere ayeke hole, kongo ayeke ti, me tënë ti Nzapa ti e ayeke ngba kpu na kpu.”

Matthieu 5:18

Mbi tene na ala taa-tënë: kozoni si yayu na sese ahon, fade gere ti mbeti ti Ndia wala mbeni kete ye ti tere ni oko ayeke hon pepe, ngbii asi na nda ti aye kue.

Abia (Psaumes) 119:89

KOTA GBIA, tënë ti mo aluti ngangu na yayu kpu na kpu.

1 Jean 1:1

Ye so ayeke ando daa ngbene ye na tongo nda ni, ye so e ma tënë ni na mê ti e, ye so e baa ni na le ti e, ye so e baa ni mbirimbiri si e ndu na maboko ti e, ye ni ayeke Tënë so ayeke mu fini na zo.

2 Pierre 1:19

Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.

Abia (Psaumes) 102:12

Lango ti fini ti mbi aga nduru ti hon tongana gbe ti de ti lakui, mbi yeke tongana pere so ahole.

Nzoni Tënë so Luc asu na mbeti 16:17

Yayu na sese alingbi ti hon, me titene mbeni kete gere ti tënë ti *Ndia oko ati, ayeke ye ti ngangu mingi.

Efeze 2:17

Lo ga ti fa Nzoni Tënë ti siriri na ala, azo ti amara nde so ayeke ando na yongoro ndo nga na ala so ayeke nduru.

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 1:1

Na tongo nda ni, Tënë ayeke daa; Tënë ni ayeke na tere ti Nzapa si Tënë ni ayeke Nzapa.

Abia (Psaumes) 102:26

Mo laa mo lu gere ti sese ando giriri, yayu ayeke ye so maboko ti mo asara.

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

1 Pierre 2:2

Ala duti tongana akete molenge so a du ala fafadeso: alingbi nzara ti tënë ti Nzapa asara ala tongana ti so nzara ti nyongo me ayeke sara kete molenge; tënë ti Nzapa so sioni ye oko ayeke daa pepe. Tongaso, na lege ni, fade ala yeke ga kota si ala soo kuâ.

1 Pierre 1:23

Biani, a kiri a du ala mbeni awe; zo so ayeke kui kuingo laa akiri adu ala pepe, me tënë ti Nzapa. Tënë ni ayeke na fini, ayeke kui pepe si ayeke ngba lakue lakue.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

Tite 1:3

So ngoi ni alingbi awe, Nzapa, Wasongo e afa tënë ti lo, lo mu na mbi tënë ni si mbi yeke fa ni na peko ti yanga so lo mu na mbi.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

1 Korente 2:2

Biani, so mbi yeke na popo ti ala, mbi ye ti hinga mbeni ye nde pepe, gi Jésus Christ oko, Jésus Christ so a fâ lo na ndö ti keke ti kroa.

Ésaïe 40:6

Mbeni go atene: “Dekongo!” Me mbi kiri tënë: “Mbi dekongo ni, mbi tene nyen?” Go ni akiri atene: “Azo kue ayeke tongana pere, pendere ti ala ayeke tongana kongo ti ngonda.

Ahebro 6:5

ala hinga atene, tënë ti Nzapa anzere, ala hinga nga aye ti kpene ti ngoi so Nzapa ayeke ga ti le-gbia.

Aye so Nzapa afa 14:6

Na pekoni, mbi baa mbeni *ange nde so ayeke huru yongoro kâ na le ti nduzu. Lo yeke na mbeni Nzoni Tënë so ayeke ngba lakue lakue ti fa na azo ti amara kue, azo ti akete mara kue, azo ti ayanga ti kodro kue nga na azo ti akodro kue. Tënë ni ayeke.