1 Pierre 1:22 - Mbeti ti Nzapa - Tënë so amu fini

²² So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Pierre 1:22 Referans Kwoze

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

Ahebro 13:1

Ala ngba lakue ti ye tere na popo ti ala tongana a-ita, azo ti Christ.

1 Jean 4:12

Zo oko ade ti baa Nzapa pepe. Tongana e ye tere na popo ti e, Nzapa ayeke na e; so afa nga atene, na be ti e ndoye ti lo alingbi kue.

1 Jean 4:7

A-ita ti mbi so mbi ye ala mingi, ayeke nzoni e ye tere na popo ti e, ngbanga ti so ndoye alondo na Nzapa. Zo so kue aye mba ti lo, lo yeke molenge ti Nzapa si lo hinga Nzapa awe.

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.

Jacques 4:8

Ala ga nduru na Nzapa si fade lo yeke ga nduru na ala. Azo ti siokpari, ala *sukula sioni ti ala! Azo ti be use use, ala zi aye ti sioni na be ti ala!

1 Jean 3:23

Ndia ti lo ayeke so: e ma na be na iri ti Molenge ti lo Jésus Christ si e ye nga tere na popo ti e alingbi na yanga so Christ amu na e.

2 Tesalonike 1:3

A-ita, alingbi e ngba ti mu singila lakue na Nzapa ndali ti ala. So ayeke na legeni, ngbanga ti so mabe ti ala ayeke gue lakue na nduzu si yengo so ala ye tere na popo ti ala ayeke mai lakue.

1 Tesalonike 3:12

Ayeke nzoni Kota Gbia asara si yengo so ala ye tere na popo ti ala nga na yengo so ala ye na azo kue ague guengo na nduzu, alingbi na yengo so e ye na ala!

1 Jean 4:20

Tongana mbeni zo atene: “Mbi ye Nzapa” si be ti lo ake mba ti lo, andaa lo yeke zo ti mvene. Biani, mba ti lo so lo yeke baa lo, lo ye lo pepe, fade lo yeke ye Nzapa tongana nyen, Nzapa so lo yeke baa lo pepe so?

1 Pierre 2:17

Ala ne azo kue, ala ye a-ita ti ala, ala kpe mbeto ti Nzapa, ala ne kota gbia.

Awatokua 15:9

Na le ti lo, e na ala kue, e yeke gi oko. Lo sukula be ti ala, ngbanga ti so ala ma na be.

1 Jean 3:11

Tënë so ala ma, ngbene ye na tongo nda ni ayeke so: alingbi e ye tere na popo ti e.

2 Pierre 1:7

na ndö ti gbungo tënë ti Nzapa ngangu, ala zia yengo amba ti ala; na ndö ti yengo amba ti ala, ala zia ndoye.

Filipe 1:9

Mbi yeke sambela titene ndoye so ala yeke na ni akiri ague gi na nduzu na nduzu, tongaso si le ti ala azi si ala hinga nga ye mbirimbiri;

Efeze 4:3

Yingo-Vuru asara si ala ga oko; ala gi lege ngangu ti ngba na beoko na lege ti dutingo na siriri na popo ti ala.

Galasii 5:5

Ti e, e yeke zia be ti e ti ku titene Nzapa wani asara si e ga mbirimbiri na le ti lo. Yingo ti Nzapa laa ayeke sara titene e yeke ku ye ni na lege ti mabe.

Aye so Nzapa afa 2:4

Me ye so mbi ke na mo ayeke so: mo ye mbi tongana ti kozoni pepe.

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

Ahebro 9:14

Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

2 Korente 6:6

E fa nga so e yeke azo ti kua ti Nzapa na lege ti dutingo ti e na vuru be, na lege ti hingango ndo ti e, na lege ti kangango be ti e, na lege ti nzoni be ti e, na lege ti Yingo-Vuru, na lege ti taa yengo tere na popo ti e,

Jean 15:17

Ye so mbi mu yanga na ala ti sarango ni ayeke titene ala ye tere na popo ti ala.”

1 Pierre 3:1

Awali, ala nga, ala ma yanga ti akoli ti ala. Tongaso, fade ambeni koli so ake ti ma na be na tënë ti Nzapa alingbi ti ma na be ndali ti sarango ye ti ala. Ataa so ala, awali ni, ala tene tënë ti Nzapa na akoli ti ala pepe,

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

2 Timothée 1:14

Nzoni ye so Nzapa azia na maboko ti mo, mo bata ni nzoni na lege ti Yingo-Vuru so ayeke na ya ti e.

1 Timothée 5:2

mo mu wango na ambakoro-wali tongana amama ti mo, mo mu nga wango na amaseka-wali tongana a-ita ti mo ti wali, mo mu wango ni na vuru be.

1 Timothée 4:12

Mo zia mbeni zo abaa mo tongana molenge pepe; me mo ga tapande ti azo so ama na be na lege ti tenengo tënë ti mo, sarango ye ti mo, ndoye ti mo, mabe ti mo na vurungo be ti mo.

1 Timothée 1:3

Tongana ti so mbi mu lani yanga na mo na guengo ti mbi na sese ti Masedoane, ayeke nzoni mo ngba na gbata ti Efeze. Kâ, ambeni zo ayeke fa ye so alingbi na tënë ti Nzapa pepe. Alingbi mo ke na ala na kuru go ti fa aye ni so.

2 Tesalonike 2:13

Ti e, alingbi e ngba ti mu singila lakue na Nzapa ndali ti ala, a-ita, ala so *Kota Gbia aye ala. Biani, ti londo na ndembe so dunia abaa gigi, Nzapa asoro ala titene ala soo kuâ na lege ti Yingo-Vuru so azia ala nde ndali ti Nzapa, ala soo nga kuâ na lege so ala ma na be na taa-tënë.

Galasii 3:1

Ala azo ti Galasii, so buba ti nyen? Zo wa laa aturne li ti ala, zo wa? Andaa, a fa na ala polele tënë ti kuâ ti Christ na ndö ti keke ti kroa!

Galasii 5:7

Kozoni, ala to nda ti sara ye nzoni mingi! Zo wa laa akanga lege na ala si ake na ala ti sara ye alingbi na taa-tënë, zo wa?

Rome 8:13

Tongana ala yeke duti na fini na lege ti asioni nzara ti be ti ala, fade ala yeke kui; me na lege ti Yingo, tongana ala zi na ya ti fini ti ala asioni sarango ye ti ala ti zo, fade ala yeke duti na fini.

Rome 2:8

Me azo so ake ti ma yanga ti lo, ala so ake taa-tënë si ye so ayeke sioni ayeke gboto ala, fade ngonzo ti Nzapa ayeke londo tongana wâ na tere ti ala.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Jean 17:17

Bata ala nde ndali ti mo na lege ti taa-tënë; tënë ti mo ayeke taa-tënë.

Jean 15:3

Tënë so mbi tene na ala asara si ala ga *nzoni awe.

Awatokua 6:7

Tënë ti Nzapa angba ti tambula na ndo kue. Na Jérusalem, wungo ti adisiple ayeke gue na nduzu, gba ti awayango-sandaga ama na be.

Jean 17:19

Ndali ti nzoni ti ala, mbi bata tere ti mbi nde ndali ti mo titene ala nga, ala bata tere ti ala nde ndali ti mo na lege ti taa-tënë.

Jacques 1:21

Ndani laa, ala zia lege ti sarango aye ti potopoto kue nga na lege ti sarango sioni ye kue. Ala yeda na nzoni be na tënë so Nzapa alu na ya ti be ti ala, tënë ni alingbi ti soo ala.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

1 Pierre 3:20

so ti tene lo gue, lo fa tënë na ayingo ti azo so ake ando yanga ti Nzapa na ngoi so Noe aleke mangboko. Na ndembe so Nzapa akanga be ti lo ti ku titene ala kiri na be ti ala na lo, gi azo miombe senge laa ali na ya ti mangboko si na lege ti ngu, Nzapa asoo ala.