1 Pierre 1:21 - Mbeti ti Nzapa - Tënë so amu fini

²¹ Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

1 Pierre 1:21 Referans Kwoze

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Ahebro 2:9

Me ye so e baa ni ayeke so: Nzapa akiri na Jésus na gbe ti a-ange ndali ti kete ngoi. Na lege ti nzoni be ti Nzapa, Jésus akui ndali ti azo kue, nilaa Nzapa asara si azo agonda lo mingi si ane lo ndali ti kuâ so lo kui.

Jean 12:44

Jésus atene na kota go, atene: “Zo so ama na be na mbi, lo ma na be gi na mbi pepe, me lo ma na be nga na lo so atokua mbi.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Efeze 1:15

Mbi ma tënë ti mabe ti ala na ndö ti *Kota Gbia Jésus nga na tënë ti ndoye ti ala ndali ti azo ti Nzapa kue. Ndani laa, ti londo na ndembe so mbi ma atënë so,

1 Timothée 1:1

Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

Rome 10:9

Tongana mo tene na yanga ti mo wani, mo tene: “Jésus ayeke *Kota Gbia” si mo ma na be so Nzapa azingo lo na popo ti akuâ, fade mo yeke soo kuâ.

Rome 4:24

ayeke nga ndali ti e so Nzapa abaa e tongana azo ti mbirimbiri na lege ti mabe ti e. Biani, e ma na be na lo so azingo Jésus, *Kota Gbia ti e na kuâ.

Awatokua 4:10

Ala na azo ti Israel kue, alingbi ala hinga atene, Jésus Christ, zo ti Nazaret, lo so ala fâ lo na ndö ti keke ti kroa si Nzapa azingo lo na kuâ, ngangu ti iri ti lo laa asara si koli so aluti na popo ti ala na nzoni tere so.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Awatokua 3:13

Nzapa ti Abraham, ti Isaac na ti Jacob, Nzapa ti akotara ti e, amu gonda na Jésus, zo ti kua ti lo. Me ala azo ti Israel, ala zia lo na maboko ti akota zo, ala ke lo na dawa ti Pilate, ataa so Pilate aye ti zi lo.

Jean 17:1

Na peko ti tënë so, Jésus ayo le ti lo na nduzu si lo tene: “Babâ, ngbonga ni alingbi awe. Gonda Molenge ti mo si Molenge ti mo agonda mo.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 14:1

Jésus atene na ala: “Ala gi be ti ala pepe; ala ma na be na Nzapa, ala ma na be na mbi nga.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Jérémie 17:7

Me tufa aga na ndö ti zo so azia be ti lo na ndö ti mbi, KOTA GBIA si zo ni ayeke gi titene mbi bata lo.

Abia (Psaumes) 42:5

Na vundu na be, mbi dabe ti mbi na ngoi so mbi yeke na li ti molongo ti azo so ayeke gue na kota da ti Nzapa. Mbi yeke tambula na popo ti gba ti azo so ayeke he bia na ngia, ala yeke dekongo na Nzapa ti gonda lo.

Ahebro 6:1

Tongaso, alingbi e zia lege ti akozo tënë so e manda ando na ndö ti Christ, e hon fadeso ti manda akpengba tënë so alingbi na akangba, e kiri na ndö ti akozo kota tënë ni pepe. Akozo tënë ni ayeke so: tënë ti ziango ngbene lege ti sarango abuba ye, tënë ti mango na be na Nzapa,

Jean 17:5

Fadeso, Babâ, sara si mbi duti na gonda na ndo so mo yeke daa, gonda so mbi yeke na ni na tere ti mo kozoni si dunia so abaa gigi.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

2 Korente 6:15

Christ na Zabolo alingbi ti ma tere? Zo so ama na be na zo so ama na be pepe, nyen laa abongbi ala, nyen?

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.