1 Pierre 1:17 - Mbeti ti Nzapa - Tënë so amu fini

¹⁷ Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.

1 Pierre 1:17 Referans Kwoze

2 Mbai 19:7

Fadeso, ala kpe mbeto ti KOTA GBIA; ala sara hange na ye so kue ala yeke sara, ngbanga ti so KOTA GBIA, Nzapa ti e aye ye ti kirikiri pepe, lo yeke mu mbage ti mbeni zo pepe, lo ye tënë ti petengo goro pepe.”

Matthieu 6:9

Lege so alingbi ala sambela na ni ayeke tongaso: ‘Babâ ti e so mo yeke na yayu, ayeke nzoni azo ane iri ti mo so ayeke nde si ayeke nzoni kue;

Filipe 2:12

Tongaso, a-ita ti mbi so mbi ye ala mingi, ala so ayeke ma yanga ti Nzapa lakue so, ayeke nzoni ala ma yanga ti lo gi ndali ti le ti mbi pepe. Me so mbi yeke na tere ti ala pepe, fadeso ayeke kota ye mingi titene ala ngba ti ma yanga ti lo. Ala sara kua na mbeto, na dongo tere si ala soo kuâ.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Ahebro 12:28

Ndali ti so e wara lege ti li na *Kodro-gbia ti Nzapa, kodro so ayeke yingi pepe, ayeke nzoni e mu singila na lo na lege ti sarango kua so anzere na be ti lo, e ma yanga ti lo si e kpe mbeto ti lo.

Efeze 1:17

Mbi hunda na Nzapa ti Kota Gbia ti e Jésus Christ, Babâ so ayeke na gonda, titene lo mu na ala Yingo ti ndara. Fade Yingo ni ayeke fa Nzapa na ala, tongaso si ala hinga lo nzoni.

Galasii 2:6

Ambeni zo ayeke daa so a baa ala tongana akota zo. – Ataa ala yeke lani kota wala ala yeke kota pepe, ngbanga ti mbi ayeke daa pepe, Nzapa ayeke gonda zo ndali ti le ti zo ni pepe. – Akota zo so agbu mbi na ngangu pepe titene mbi sara mbeni ye nde.

Rome 11:20

Tënë ni laa. Me a fâ amaboko ti keke ni, ngbanga ti so ala ma na be pepe. Ti mo, mo ngba na tere ti keke ni, ngbanga ti so mo ma na be. Tongaso, mo pika kate ti mo pepe, me mo sara gi hange.

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Jérémie 3:19

“Mbi tene na be ti mbi, mbi tene: Ae, mbi ye fade ti zia mo na kota ndo na popo ti amolenge ti mbi! Mbi ye fade ti mu na mo pendere kodro so ayeke pendere mingi ahon akodro ti dunia kue! Mbi ye fade ti mu kodro ni titene aga ye ti mo. Mbi tene nga na be ti mbi, mbi tene: Fade mo yeke di iri ti mbi ‘Babâ’, mo yeke kiri ti zia peko ti mo na mbi pepe.

1 Pierre 2:11

A-ita ti mbi so mbi ye ala mingi, ala yeke tongana agene, tongana awande na ndö ti sese so. Ndani laa mbi hunda na ala titene ala ke asioni nzara ti be so ayeke sara bira na ala.

Ahebro 4:1

Nzapa amu zendo na e atene, e lingbi ti li na ndo so lo leke titene e wu tere ti e daa; zendo ni angba laso. Tongaso, le ti ala akpengba si lege ti lingo na ndo ti wungo tere ni akanga na mbeni zo oko na popo ti ala pepe.

Kolose 3:25

Zo so asara ye ti sioni, fade lo yeke wara futa ti peko ti sioni ti lo, ngbanga ti so Nzapa ayeke mu mbage ti mbeni zo pepe.

Efeze 6:9

Ala awa ti angbaa, ala sara nga tongaso na angbaa ti ala; ala zia ti suku na ala. Ayeke nzoni ala hinga atene, ala na angbaa ti ala kue, ala yeke amolenge ti Kota Gbia so ayeke na yayu; lo yeke mu mbage ti mbeni zo pepe.

Efeze 3:14

Ndani laa mbi kuku na gbe ti Nzapa Babâ,

Amato 28:14

Ti lo nzoni, zo so akpe lakue mbeto ti sarango sioni ye! Me zo so akpengba be ti lo, fade lo yeke ti na ya ti kpale.

Mbeti ti Job 34:19

Nzapa laa ayeke mu mbage ti amakonzi pepe, lo yeke yamba zo ti mosoro nzoni ahon wayere pepe, ngbanga ti so lo laa lo sara ala use kue.

1 Pierre 3:15

Na be ti ala, ala ne Christ, *Kota Gbia ti ala. Ala duti lakue nduru ti kiri tënë na azo so ayeke hunda na ala tënë na ndö ti ye so ala zia be ti ala ti ku.

2 Korente 5:6

Tongaso be ti e awoko laoko pepe. E hinga, e tene, na ngoi so kue e ngba na ya ti tere so, e yeke duti yongoro na *Kota Gbia.

2 Korente 1:2

Ayeke nzoni Nzapa Babâ ti e na *Kota Gbia Jésus Christ asara nzoni be na ala si amu na ala siriri.

Sofonii 3:9

“Tongaso, fade mbi yeke ndu poro ti yanga ti amara titene aga *nzoni si ala kue alingbi ti di iri ti mbi *KOTA GBIA, ala kue ayeke sara kua ti mbi na be oko.

Amato 14:16

Mbeto ti sioni ye ayeke sara zo ti ndara; lo yeke kpe lege ni. Me zo ti buba alondo ti sara ye hio hio, ngbanga ti so lo baa lo tene, mbeni ye ti sioni ti si na ni ayeke daa pepe.

Abia (Psaumes) 39:12

Tongana mo ye ti kiri zo na nzoni lege, mo yeke pika lo ndali ti sioni ti lo. Mo yeke buba ye so lo ye mingi tongana ti so ngusu ayeke buba ye. Biani, zo ayeke gi pupu senge! Luti kete

1 Mbai 29:15

Biani, na le ti mo, e yeke awande, e yeke agene tongana akotara ti e. Fini ti e na ndö ti sese so ayeke tongana gbe ti de so ayeke hon hongo, mbeni ye titene e zia be ti e ti ku ayeke daa pepe.

Ndia ti fani use ni 10:17

Biani, KOTA GBIA Nzapa ti ala ayeke kota mingi, lo hon anzapa kue, lo yeke Kota Gbia mingi lo hon agbia kue; lo yeke kota, lo yeke ngangu mingi si lo yeke zia mbeto na be ti zo. Lo yeke mu mbage ti mbeni zo pepe, zo alingbi ti pete goro na lo pepe.

Tongo nda ti aye 47:9

Jacob akiri tënë, atene: “Ngu so kue mbi sara na tambulango ti mbi na dunia so ayeke ngbangbo oko na baleota. Ngu ni ayeke mingi pepe, me aye ti sioni asi singo daa. Ngu ti mbi ni alingbi na ngu so akotara ti mbi asara na tambulango ti ala na dunia so pepe.”

2 Korente 7:11

Ala baa aye so vundu so Nzapa ayeda na ni asara na popo ti ala laa: ala baa lege ti akua hio! Ala fa peko ti tënë so ayeke na li ti ala! Ngonzo agbu ala na bango ye ti sioni! Mbeto ayeke na be ti ala! Ala yeke na nzara mingi ti baa mbi! Ala yeke na nzara ti sara kua! Ala fâ ngbanga na li ti azo so asara sioni! Na lege ti aye so kue, ala fa atene, tënë ayeke na li ti ala pepe.

Abia (Psaumes) 89:26

Mbi yeke sara titene lo duti na komandema na ndö ti kota ngu-ingo nga na ndö ti *abale.

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.