1 Mbai 3:16 - Mbeti ti Nzapa - Tënë so amu fini

¹⁶ Amolenge ti Yoakim ayeke Yekonia na Sedesias.

1 Mbai 3:16 Referans Kwoze

Matthieu 1:11

Yosias adu Yekonia na a-ita ti lo na ngoi so a gbu azo ti Israel, a gue na ala na sese ti Babilone.

2 Agbia 24:6

Yoakim akui, lo hon na peko ti ababâ ti lo. Molenge ti lo Yoakin laa aga gbia na peko ti lo.

Jérémie 22:24

“Fade mo yeke tene na Konia, molenge ti Yoakim, gbia ti Juda, mo tene: ‘Fini ti mbi! Ataa mo yeke fade tongana *ye ti kpongo na nzoroko so a yeke kpo na ndö ti mbeti si mbi zia na maboko ti mbi ti koli, ka mbi yeke gboto mo ti zi mo na li ti maboko ti mbi; so tënë ti yanga ti KOTA GBIA laa.

2 Agbia 24:17

Na pekoni, gbia ti Babilone amu Matania, ita ti babâ ti Yoakin, azia lo gbia ti Juda. Lo zia fini iri na ndö ti lo so atene Sedesias.

2 Agbia 24:8

Yoakin ayeke na ngu baleoko na miombe si lo ga gbia; lo le-gbia nze ota na Jérusalem. Iri ti mama ti lo ayeke Nehusheta, molenge ti Elnatan, zo ti Jérusalem.

Jérémie 22:28

Azo ayeke hunda ndo, atene: “Koli so, Konia so, lo yeke mbeni ta so ya ni afâ awe? So ti tene mbeni ta so zo alingbi ti sara na kua pepe? Lo ga mbeni ta so zo aye ni mbeni pepe? Ngbanga ti nyen si a tumba lo, lo na amolenge ti lo si a bi ala na ya ti mbeni kodro so ala hinga ni pepe so?”

2 Mbai 36:9

Yoakin ayeke na ngu na miombe si lo ga gbia; lo le-gbia nze ota na lango baleoko na Jérusalem. Lo sara ye so ayeke sioni na le ti KOTA GBIA.

1 Mbai 3:15

Amolenge ti Yosias ayeke Yohanan, kozo molenge ni; Yoakim, use molenge ni; Sedesias, ota molenge ni, Shalum, osio molenge ni.

2 Agbia 25:27

Ngu baleota na mbarambara na peko ti so a gbu Yoakin, gbia ti Juda a gue na lo na kodro wande, Evil-Merodak aga gbia ti Babilone. Na lango baleuse na mbarambara ti nze baleoko na use ni, na kozo ngu so lo ga gbia, lo sara nzoni be na Yoakin, gbia ti Juda si lo zi lege na lo ti sigigi na da ti kanga.

1 Mbai 3:17

Yekonia so a kanga lo si a gue na lo na Babilone: amolenge ti lo ayeke Shealtiel,

Jérémie 37:1

Nabukodonosor, gbia ti Babilone amu Sedesias, mbeni molenge ti Yosias, azia lo gbia na kodro ti Juda. Tongaso Sedesias amu mbata ti gbia na peko ti Konia, molenge ti Yoakim.

2 Mbai 36:15

KOTA GBIA, Nzapa ti akotara ti ala amu ngoi ti lo kue ti tokua azo ti gboto mê ti ala, ngbanga ti so lo baa mawa ti azo ti lo nga na da ti lo wani so ayeke nde si ayeke nzoni kue.