1 Mbai 16:3 - Mbeti ti Nzapa - Tënë so amu fini

³ Na pekoni, lo kangbi kobe na azo ti Israel kue, akoli na awali, zo oko oko awara mapa oko, gba oko ti aholengo le ti date so akpa gatoo na gba oko ti aholengo le ti *vinye.

1 Mbai 16:3 Referans Kwoze

Ezekiel 45:17

Kua ti makonzi ni ayeke titene lo mu sandaga so a yeke gbi ni kue na wâ, asandaga ti ale ti kobe nga na sandaga ti samba na ngoi ti amatanga; na lango ti matanga ti fini nze, na *lango ti wungo tere nga na amatanga kue ti azo ti Israel. Fade makonzi ayeke mu sandaga titene Nzapa azi sioni na li ti azo, asandaga nde nde, sandaga so a yeke gbi ni kue na wâ nga na asandaga ti beoko titene Nzapa azi sioni na li ti azo ti Israel.”

Néhémie 8:10

Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

1 Pierre 4:9

Ala yamba amba ti ala nzoni na ndo ti ala, me na dikongo tënë na gbe ti go ti ala pepe.

2 Mbai 30:24

Andaa Ezekias, gbia ti Juda amu akoli-bagara saki oko na ataba saki mbarambara ndali ti bongbi ti azo ni. Amakonzi amu akoli-bagara saki oko na ataba saki baleoko ndali ti azo ni. Awayango-sandaga mingi asukula sioni ti ala.

1 Mbai 16:2

So David amu asandaga ni awe, lo sara tufa na ndö ti azo ni na iri ti KOTA GBIA.

1 Mbai 16:4

David amu ambeni zo ti mara ti Lévi si lo zia ala na dawa ti sanduku ti *mbuki ti *KOTA GBIA titene ala dabe ti azo na iri ti KOTA GBIA, ala sepela lo si ala gonda nga KOTA GBIA, Nzapa ti Israel.

B. ti abia 2:5

Ala mu na mbi agatoo ti ale ti vinye, ala mu na mbi anzerengo le ti keke, mbi te si amu na mbi ngangu, ngbanga ti so yengo so mbi ye mo so asara mbi kobela.

Ésaïe 16:7

Me fadeso, azo ti Moab ayeke dema tere ndali ti Moab. Ala kue ayeke he bia ti demango tere ndali ti agatoo so a sara na le ti *vinye so a sara na Kir-Heres. Na vundu na be, ala yeke dema.

Osée 3:1

*KOTA GBIA atene na mbi: “Kiri mo gue, mo ye wali so mbeni koli aye lo si wali ni ayeke gi akoli ti amba ti lo. Mo ye lo tongana ti so mbi KOTA GBIA, mbi ye azo ti Israel, ataa so ala yeke gue na peko ti anzapa nde si ala ye agatoo so a sara ni na le ti vinye.”

1 Agbia 3:15

So Salomon azingo na lango awe, lo hinga so bango-li laa. Lo kiri na Jérusalem si lo gue, lo luti na dawa ti sanduku ti *mbuki ti KOTA GBIA. Na pekoni, lo mu na Nzapa asandaga so a yeke gbi ni kue na wâ nga na asandaga ti beoko. Lo sara kota matanga ndali ti azo ti yangbo ti lo kue.