1 Mbai 15:3 - Mbeti ti Nzapa - Tënë so amu fini

³ David abongbi azo ti Israel kue na Jérusalem titene ala mu sanduku ti mbuki ni ague na ni na ndo so lo leke ndali ni.

1 Mbai 15:3 Referans Kwoze

1 Mbai 13:5

David abongbi azo ti Israel kue, ti londo na katikati ti Ezipte na mbage ti Mbongo, ngbii asi na Lebo-Hamat na mbage ti Banga. Lo bongbi ala titene ala gue, amu sanduku ti mbuki ti Nzapa so ayeke na Kiriat-Yearim ti ga na ni.

1 Agbia 8:1

Tongaso, Salomon abongbi *akangba ti Israel, amakonzi ti amara kue nga na amakonzi ti asewa ti Israel na tere ti lo na Jérusalem titene ala mu sanduku ti *mbuki ti *KOTA GBIA so ayeke na Gbata ti David, so ti tene na Sion, ti gue na ni na ya ti kota da ti Nzapa.

1 Mbai 15:1

David asara ada ndali ti lo wani na Gbata ti David. Lo leke mbeni ndo ndali ti sanduku ti *mbuki ti Nzapa si lo kpo na nduzu mbeni da ti bongo ndali ti sanduku ni.

2 Samuel 6:12

Azo ague, atene na gbia David, atene: “Ndali ti sanduku ti *mbuki ti Nzapa, *KOTA GBIA asara tufa na ndö ti sewa ti Obed-Edom na aye ti lo kue.” Tongaso, David alondo, lo gue na da ti Obed-Edom, lo mu sanduku ti mbuki ti Nzapa si lo kiri na ni na Gbata ti David, na ngia na be.

1 Mbai 15:12

Lo tene na ala: “Ala so ayeke amakonzi ti sewa ti mara ti Lévi, ayeke nzoni ala na a-ita ti ala, ala zia tere ti ala nde ndali ti Nzapa, na pekoni ala gue, amu sanduku ti mbuki ti KOTA GBIA, Nzapa ti Israel, ala zia na ndo so mbi leke ndali ni.

2 Samuel 6:17

Na peko ti so ala ga na sanduku ti mbuki ti KOTA GBIA, ala zia ni na ndo so a leke ndali ni, na gbe ti da ti bongo so David aleke ndali ni. David amu asandaga so a yeke gbi ni kue na wâ nga na asandaga ti beoko na KOTA GBIA.

Sigingo 40:20

Na pekoni, lo mu atêne so a su atënë ti ndia na le ni, lo zia na ya ti sanduku. Lo yoro ayongoro keke na ya ti *akati so ayeke na tere ti sanduku ni si lo zia ye ti kangango na yanga ni na ndö ni.

Awayango-sandaga 9:5

Aye so Moïse amu yanga daa so, ala mu ni, ague na ni na yanga ti da ti bongo so KOTA GBIA na azo ti lo ayeke wara tere daa. Bongbi ti azo ti Israel kue aga si ala luti na dawa ti KOTA GBIA.

1 Mbai 13:2

Na pekoni, lo tene na azo ti Israel so kue abongbi so, lo tene: “Tongana ala baa nzoni na le ti ala, tongana be ti *KOTA GBIA Nzapa ti e aye, ayeke nzoni e tokua na a-ita ti e so kue angba na sese ti Israel, ala na awayango-sandaga, azo ti mara ti Lévi so ayeke na ya ti agbata ti ala na asese so ayeke na tere ni; e tisa ala ti ga na popo ti e.

1 Mbai 16:1

Na peko ti so ala ga na sanduku ti mbuki ti Nzapa, ala zia ni na gbe ti da ti bongo so David aleke ndali ni. Ala mu *asandaga so ayeke gbi ni kue na wâ nga na asandaga ti beoko na Nzapa.

2 Mbai 1:2

Salomon abongbi azo ti Israel kue, amakonzi so ayeke na ndö ti aturugu 1 000, ala so ayeke na ndö ti aturugu 100, awafango-ngbanga nga na amakonzi kue ti azo ti Israel, so ti tene amakonzi ti asewa.

2 Mbai 1:4

Me David amu lani sanduku ti *mbuki ti Nzapa na gbata ti Kiriat-Yearim ague na ni na Jérusalem si lo zia na gbe ti da ti bongo so lo sara kâ ndali ni.

2 Mbai 5:2

Tongaso, Salomon abongbi *akangba ti Israel, amakonzi ti amara kue nga na amakonzi ti asewa ti Israel na Jérusalem titene ala mu sanduku ti *mbuki ti *KOTA GBIA so ayeke na Gbata ti David, so ti tene na Sion, ti gue na ni na ya ti kota da ti Nzapa.