1 Mbai 10:1 - Mbeti ti Nzapa - Tënë so amu fini

¹ Azo ti Filistii ayeke tiri bira na azo ti Israel. Azo ti Israel akpe na dawa ti azo ti Filistii si a fâ ala mingi na hoto ti Gilboa.

1 Mbai 10:1 Referans Kwoze

1 Mbai 10:8

Na ndade ni, azo ti Filistii aga ti zi aye so ayeke na tere ti azo so akui so. Ala wara kuâ ti Saul na ti amolenge ti lo so ayeke lango na sese, na hoto ti Gilboa.

2 Samuel 21:12

Tongaso, David ague na ndo ti azo ti Yabesh, na sese ti Galaad titene lo ro abio ti Saul na ti molenge ti lo Jonatan. Biani, na ndembe so lani azo ti Filistii akinda Saul na hoto ti Gilboa, ala kanga kuâ ti lo na ti Jonatan na tere ti gbagba ti Bet-Shean. Kâ laa azo ti Yabesh aga anzi kuâ ti Saul na ti Jonatan.

2 Samuel 1:21

Ahoto ti Gilboa, ayeke nzoni ngu ti pere na ngu-Nzapa atuku na ndö ti ala pepe! Ayeke nzoni sese ti ala akiri adu akobe pepe! Biani, na ndo so laa a bi buba na tere ti akpengba zo ti bira; na ndo so laa akpaka mafuta pepe na tere ti *vala ti Saul.

2 Samuel 1:6

Maseka-koli ni atene: “Mbi yeke luti na li ti hoto ti Gilboa; mbi ye ti baa, mbi baa Saul aba na ndö ti likongo ti lo. Apusu ti mbarata na azo ti kpengo na ambarata aga nduru nduru na lo.

1 Samuel 28:4

Azo ti Filistii abongbi aturugu ti ala si ala gue, asara bâbâ ti ala na gbata ti Shunem. Saul abongbi aturugu ti Israel kue si ala sara ti ala bâbâ ni na Gilboa.

1 Samuel 28:1

Na ngoi ni so, azo ti Filistii abongbi aturugu ti ala titene ala gue, atiri bira na azo ti Israel. Akish atene na David: “Ayeke nzoni mo hinga, mo tene, fade mo na azo ti mo, e na ala kue, e yeke gue ti tiri bira.”

1 Mbai 9:44

Asel adu amolenge-koli omene: Azrikam, Bokru, Ismael, Shearia, Obadia na Hanan.