1 Mbai 1:44 - Mbeti ti Nzapa - Tënë so amu fini

⁴⁴ Bela akui si Yobab, molenge ti Zera, zo ti gbata ti Bosra aga gbia na peko ti lo.

1 Mbai 1:44 Referans Kwoze

Ésaïe 34:6

Mene amu tere ti yongoro zeme ti KOTA GBIA kue, mafuta amu tere ni kue, mo baa mo tene, mene ti akete taba na ti akoli-ngasa, mo baa mo tene, mafuta ti ya ti akoli-taba. Na Bosra, li-kodro ni, a mu *sandaga na KOTA GBIA. Na kodro ti Edom, a fâ azo kue.

Ésaïe 63:1

Zo wa laa alondo na Edom, na li-kodro ti Bosra si lo yeke ga, abengba ye ayeke na tere ti bongo ti lo so? Lo yu kota bongo, lo suku kate ti lo si lo yeke tambula, lo hinga lo tene, ni yeke na ngangu. *KOTA GBIA atene: “Mbi laa! Mbi yeke ga ti fâ ngbanga mbirimbiri, mbi yeke na ngangu ti soo ala.”

Mishe 2:12

“*KOTA GBIA atene: ala *ahale ti Jacob, fade mbi yeke bongbi ala kue na ndo oko, mbi yeke bongbi nga tanga ti azo ti Israel so angba na fini so. Mbi yeke zia ala na ndo oko tongana ti so a yeke bongbi ataba na ya ti gbagba ti ala, tongana gba ti anyama so ayeke na ndo ti tengo pere ti ala. Fade go ti ala ayeke wu tongana go ti gba ti azo.

Amos 1:12

Fade mbi yeke bi wâ na gbata ti Teman si wâ ni ayeke gbi ayangbo ti gbata ti Bosra kue.”

Jérémie 49:13

Mbi KOTA GBIA, mbi deba na iri ti mbi wani: Fade Bosra, li-kodro ti mo ayeke ga ngonda, ye ti hengo na ngia, ndo ti gba ti atêne; ayeke ga nga tapande ndali ti azo so ayeke deba amba ti ala. Agbata so ayeke na tere ni ayeke ga ndo ti gba ti atêne kpu na kpu.” So tënë ti yanga ti KOTA GBIA laa.